Մեկնարկել է Եվրամիության հետ վիզաների ազատականացման շուրջ երկխոսության գործառնական փուլը, հայտնում է ՀՀ ներքին գործերի նախարարության միգրացիայի և քաղաքացիության ծառայությունը։

«Երևանում ՀՀ ներքին գործերի նախարար Արփինե Սարգսյանի և Եվրոպական հանձնաժողովի Միգրացիայի և ներքին գործերի գլխավոր տնօրենի տեղակալ Յոհաննես Լուխների գլխավորությամբ բարձրաստիճան պաշտոնյաների հանդիպմանը տրվել է ՀՀ-ԵՄ մուտքի արտոնագրերի ազատականացման շուրջ երկխոսության գործառնական փուլի մեկնարկը»,- ասված է ծառայության հաղորդագրությունում։