Գովազդի համար զանգահարել      093 765 360
Երևան 04/07/2022 00:32
Սպասվում է անձրև և ամպրոպ. օդի ջերմաստիճանը կնվազի | Արցախի դեմ պատերազմից մեկուկես տարի անց Ադրբեջանում ինքնասպան է եղել պատերազմի 33 մասնակից: | «Հրապարակ». Անգամ Սերժ Սարգսյանին են ներգրավել, որ Թագուհի Թովմասյանը միանա ընդդիմադիրներին, սակայն նա մերժել է | «Հրապարակ». Սկանդալային ձայնագրությունն արվել է «Շիրակ» հյուրանոցի ռեստորանում | «Ես կվերադառնամ»․ 50 Cent-ը Երեւանի կենտրոնից լուսանկար է հրապարակել | Երևանի հաջորդ ընտրություններին մասնակցելու վերաբերյալ այս պահին որոշում չեմ կայացրել. Հայկ Մարության | Վիեննայում մեկնարկեց Հայաստանի և Թուրքիայի հատուկ ներկայացուցիչների հանդիպումը: | Գագիկ Ջհանգիրյանը հրաժարական է տվել ԲԴԽ անդամի պաշտոնից |

Արցախ

«Սա էլ պայքարի մեր խրամատն է՝ հանուն Արցախի»․ «Գիտական Արցախ» պարբերականի գլխ․ խմբագիր Ավետիք Հարությունյան
«Սա էլ պայքարի մեր խրամատն է՝ հանուն Արցախի»․ «Գիտական Արցախ» պարբերականի գլխ․ խմբագիր Ավետիք Հարությունյան
06/05/2022 22:42

Մայիսի 5-ին Հյուսիսային համալսարանում տեղի ունեցավ «Գիտական Արցախ» պարբերականի 2022 թվականի առաջին համարի (12-րդ) շնորհանդեսը։ Միջոցառումն անցկացվեց հանդիպում-քննարկում ձևաչափով, որին, պարբերականի գլխավոր խմբագիր Ավետիք Հարությունյանի հրավերով, մասնակցում էին պարբերականի վերջին համարի հոդվածագիրները։

Ներկաներին նախ ողջունեց Հյուսիսային համալսարանի ռեկտորը, շնորհավորեց պարբերականի նոր համարի լույսընծայման կապակցությամբ և հանդես եկավ գիտակրթական համագործակցության առաջարկով։ Այնուհետ Ավետիք Հարությունյանը ներկայացրեց համարը՝ մեկական օրինակ նվիրելով։

Հեղինակները կիսվեցին հոդվածների մշակման փուլում պարբերականի և գլխավոր խմբագրի հետ ձևավորված արդյունավետ համագործակցության իրենց պատմությամբ։ Ներկաները փաստեցին, որ ինչպես պարբերականի նախորդ, այնպես էլ այս համարն առանձնանում է հեղինակների յուրօրինակ մոտեցմամբ, ընտրված թեմաների ինքնատիպությամբ, գիտական խորքայնությամբ՝ երջանկության տնտեսագիտությունից մինչև արցախցի դիվանագետի գործունեության ուսումնասիրությունը Ճապոնիայում, մամուլում արցախյան հակամարտության լուսաբանման առանձնահատկություններից մինչև Արցախի սահմանադրության պատմությունը և այլն։

Հեղինակներից ոմանք առաջին անգամ էին տպագրում իրենց հոդվածները «Գիտական Արցախում» և իրենց խոսքում ցանկություն հայտնեցին շարունակել պարբերականի հետ համագործալկցությունը, քանի որ «Գիտական Արցախ»-ը գիտական ուրույն նշաձող է սահմանել համանման պարբերականների շարքում։

Ավետիք Հարությունյանի խոսքով՝ պարբերականը, իր փոքրաթիվ խմբագրակազմով, փորձում է  ամեն ինչ անել գիտական հարթակներում հաջողություններ գրանցելու համար՝ հանուն Արցախի հանրահչռակման։ «Սա էլ պայքարի մեր խրամատն է՝ հանուն Արցախի»,-նշեց գլխավոր խմբագիրը։

 «Գիտական Արցախ» պարբերականը ՀՀ ԲՈԿ-ի նախագահի 2022թ. փետրվարի 1-ի թիվ 09Ա հրամանով ընդգրկվել է Ատենախոսությունների հիմնական արդյունքների և դրույթների հրատարակման համար ՀՀ բարձրագույն որակավորման կոմիտեի կողմից 2022 թվականին ընդունելի գիտական հրատարակությունների ցուցակում։  «Գիտական Արցախ»-ը տպագրվում է Web of Science և Scopus գիտատեղեկատվական շտեմարաններում ընդգրկված գիտական պարբերականներին առաջադրվող պահանջներին համապատասխան: