Գովազդի համար զանգահարել      093 765 360
Երևան 05/03/2021 19:36
Այսուհետ ես զբաղվելու եմ մի «ֆեյքով», որի անունն է Նիկոլ Փաշինյան․ Արա Սաղաթելյան (տեսանյութ) | Երբ ձեր կանանց գիշերով տանեն հարցաքննությունների, հիշե՛ք Ռուբեն Վարդազարյանի կնոջը. Միքայել Մինասյան | Ալեքսան Ալեքսանյանն ազատվել է Արմավիրի մարզպետի տեղակալի պաշտոնից | Սոթքի հանքավայրի մոտ 300 աշխատակցի կրճատման հարց է առաջ եկել, և մոտ հարյուրն արդեն կրճատվել են. Թագուհի Թովմասյան | Պոտենցիալ հանցագործներն էին նշանառության տակ. Հայկ Գևորգյանը՝ դիպուկահարների մասին | «Գեներալներն իրենց շատ զուսպ են պահում. պատմության մեջ շատ դեպքեր կան, երբ ռազմական հեղաշրջումը հնարավորություն է տվել պահպանել պետականությունը». Քոչարյան. armeniasputnik.am | «Լեռնային Ղարաբաղում անարդար խաղաղությունը կարող է հանգեցնել նոր պատերազմի». Քոչարյան. armeniasputnik.am | Գագիկ Ջհանգիրյանն իր ունեցվածքի մասին հայտարարագրիր է ներկայացրել՝ ընդամենը 501 հազար 500 դրամ |

Տարածաշրջան

Շատ թանկ են տոմսերը, բայց ոչ մեկի աչքին չի երևում․ հայաստանցիները շարունակում են մեկնել արտագնա աշխատանքի
Շատ թանկ են տոմսերը, բայց ոչ մեկի աչքին չի երևում․ հայաստանցիները շարունակում են մեկնել արտագնա աշխատանքի
22/02/2021 22:51

Ռուսաստանի հետ օդային հաղորդակցությունը վերսկսելուց հետո Հայաստանի քաղաքացիները շարունակում են մեկնել Ռուսաստանի տարբեր քաղաքներ արտագնա աշխատանքի։ ՌԴ քաղաքներ օդանավերը Հայաստանից մեկնում են՝ բոլոր նստատեղերը զբաղված, վերադառնում՝ գրեթե դատարկ։ Օդանավակայանի սպասասրահում այսօր՝ փետրվարի 22–ին, ՌԴ մեկնող քաղաքացիների մեծ մասն ասացին, որ մեկնում եմ արտագնա աշխատանքի, մի մասն էլ Մոսկվայով թռչում էր Միացյալ Նահանգներ։ Արտագնա աշխատանքի մեկնողների պատճառաբանությունը նույնն է. գնում են, որովհետև Հայաստանում կամ ցածր են վարձատրվում, կամ աշխատանք առհասարակ չեն գտնում։

 

«Անցյալ տարի Հայաստանում դիմեցինք աշխատանքի համար, չընդունեցին։ Ասացին՝ սպասեք, այդպես էլ մինչեւ օրս սպասեցինք ու ընկանք վարկի տակ։ Անցյալ տարվանից սպասում էինք սահմանների բացմանը»,- ասաց մի տղամարդ։

Քաղաքացիներն ասում են՝ տոմսերի գները շատ են բարձրացել, բայց դա նրանց չի կանգնեցնում։

«Հիմա շատ թանկ են տոմսերը, բայց ոչ մեկի աչքին չի երևում։ Ժողովուրդը, որ մի տարի չգնաց, վախենում է, որ էլի կփակվեն սահմանները, կմնան Հայաստանում։ Երազում էինք, որ սահմանները բացվեն, գնանք Ռուսաստան՝  հացի փող վաստակենք »,- նշեց Արամ Սարիբեկյանը։

Արտագնա աշխատանքի մեկնող քաղաքացիները, որոնք Ռուսաստանում հիմնականում կատարում են ճանապարհաշինարական աշխատանքներ, նշեցին, որ աշնանն անպայման վերադառնալու են Հայաստան և Ռուսաստանում մշտական բնակություն հաստատելու նպատակ չունեն։

«Նորմալ գործ ունենաս, աշխատես, ավելի լավ, որովհետև քո հայրենիքն է։ Ինձ հաճելի չէ օտար հողում աշխատելը, բայց ստիպված եմ։ Ուր էլ գնանք, ինչ էլ անենք, սա է մեր։ Իմ հողը սա է»,- նշեց մի տղամարդ։