Գովազդի համար զանգահարել      093 765 360
Երևան 27/02/2021 22:46
Եվս մեկ գեներալ է միանում ԳՇ պահանջին. hraparak.am | Նիկոլ Փաշինյանը գեներալի կոչում տվող չի, գեներալի կոչումը իրենց տնից չի բերել, որ տա ինձ. Արթուր Վանեցյան | Այսօր արդեն մեծ պարտություն կրեց Նիկոլ Փաշինյանը. Վազգեն Մանուկյան | Պետք է վերադառնան վերջին լայնածավալ պատերազմի ընթացքում Հադրութից, Շուշիից տեղահանվածները.ԱԳՆ խոսնակի արձագանքը Ալիևին | Նիկոլ Փաշինյանը ԳՇ պետին պաշտոնանկ անելու միջնորդությունը կրկին ուղարկեց Հանրապետության նախագահին | Հաղթանակ. այն, ինչ իրականացնում ենք, մոտենում է ավարտին. Վազգեն Մանուկյան | Արմեն Սարգսյանը վերադարձրել է Օնիկ Գասպարյանին ԳՇ պետի պաշտոնից ազատելու հրամանագրի նախագիծը | Արա Այվազյանի հարցազրույցը՝ «ՌԻԱ Նովոստի»-ին. Ադրբեջանը մանիպուլացնում է գերիների հարցը |

Քաղաքականություն

«Լուսավոր Հայաստան». Փաշինյանը վախենում է նոր վարչապետի ընտրությունից իր հրաժարականի դեպքում
«Լուսավոր Հայաստան». Փաշինյանը վախենում է նոր վարչապետի ընտրությունից իր հրաժարականի դեպքում
27/01/2021 17:43

Այսօր Հայաստանում Ազգային ժողովը լուծարելու միայն մի տարբերակ կա: Վարչապետը պետք է հրաժարական տա: Դրանից հետո խորհրդարանը երկու անգամ փորձում է նոր վարչապետ ընտրել, այն նրան դա չի հաջողվում, եւ Ազգային ժողովը լուծարվում է օրենքի ուժով, երկրում արտահերթ խորհրդարանական ընտրություններ են անցկացվում: Այս մասին NEWS.am-ի թղթակցի հետ զրույցում ասաց «Լուսավոր Հայաստան» կուսակցության խորհրդարանական խմբակցության քարտուղար Գեւորգ Գորգիսյանը` ի պատասխան խնդրանքին մեկնաբանել իշխող «Իմ քայլը» դաշինքի նախաձեռնությունը Սահմանադրության մեջ հերթական փոփոխությունները մտցնելու մասին, որոնք խորհրդարանին կօժտեն ինքնալուծարման հնարավորությամբ` առանց վարչապետի հրաժարականի: Գորգիսյանը նշեց, որ ներկայիս իշխանությունները` ի դեմս վարչապետ Նիկոլ Փաշինյանի, վախենում են, որ եթե վերջինս հրաժարական տա, խորհրդարանն, ինքնալուծարման փոխարեն, կառավարության նոր ղեկավար կընտրի: «Մենք բազմիցս ասել ենք, որ այդ դեպքում մենք առաջադրելու ենք «Լուսավոր Հայաստան» կուսակցության եւ դրա խորհրդարանական խմբակցության ղեկավար Էդմոնդ Մարուքյանին, եւ չի բացառվում, որ նա կընտրվի, այդ թվում` իշխող «Իմ քայլը» դաշինքի պատգամավորների կողմից: Կարծում եմ, որ Փաշինյանը դրանից վախենում է, քանի որ հակառակ դեպքում նրանք արդեն կօգտվեին առկա իրավական կարգավորումից եւ երկիրը կտանեին արտահերթ խորհրդարանական ընտրությունների անցկացման ճանապարհով»,- պարզաբանեց Գորգիսյանը` հավելելով, որ եթե իշխանությունները մտածել են ստվյալ իրավական կարգավորման փոփոխության մասին, դա նշանակում է, որ նրանք անհանգստության եւ մտավախության առիթ ունեն:

 

Պատգամավորը նշեց, որ իր հրաժարականի դեպքում Փաշինյանն այլեւս երկրի վարչապետ չի լինի, եւ հետեւաբար չի կարողանա օգտագործել ահաբեկման այն գործիքներն ու լծակները, որոնք օգտագործում է իշխող «Իմ քայլը» դաշինքում իր իշխանությունը պահելու համար: դաշինք Արդյունքում, ըստ Գորգիսյանի, իշխող դաշինքի իր գործընկերները կկարողանան հանգիստ եւ ազատ նոր վարչապետ ընտրել: «Կարծում եմ` սա է միակ պատճառը, որ նրանք պատրաստվում են նոր մեխանիզմ ստեղծել, քանի որ գործողը նրանք պարզապես վախենում են կիրառել»,- համոզված է «ԼՀ»-ի խորհրդարանական խմբակցության քարտուղարը:

Միեւնույն ժամանակ, Գեւորգ Գորգիսյանը շեշտեց, որ մինչ այժմ իշխող «Իմ քայլը» դաշինքի կողմից վերջնական փաստաթղթի տեսքով օրենսդրական նախաձեռնություն խորհրդարան չի ներկայացվել: Ուստի, ըստ քաղաքական գործչի, խոսելու բան էլ չկա: Այնուամենայնիվ, նա հայտարարեց, որ արտահերթ խորհրդարանական ընտրությունների անցկացման հարցը «Լուսավոր Հայաստանի» օրակարգում չկա, քանի որ դա կարող է միայն խորացնել առանց այդ էլ անկայուն իրավիճակը երկրում: «Եթե նրանց, ասենք, 89 ձայն է պետք, ապա նրանք պետք է բանակցություններ սկսեն խորհրդարանական բոլոր ուժերի հետ, բայց այդ մասին դեռ խոսք չկա»,- եզրափակեց պատգամավորը:

Ավելի վաղ «Իմ քայլում» խոստովանել էին, որ քննարկում են հերթական սահմանադրական բարեփոխման հարցը, սակայն Փաշինյանի կուսակցությունը մի շարք պատգամավորների` որպես նոյեմբերի 9-ին կապիտուլյացիայի մասին հայտարարության ստորագրման դեմ բողոքի նշան, դուրս գալուց հետո, ներկայումս 83 ձայն ունի` անհրաժեշտ 88-ի փոխարեն: