Գովազդի համար զանգահարել      093 765 360
Երևան 30/11/2020 08:20
Արվեստագետները վաղը կրկին երթ կիրականացնեն | Հոգեւոր Հայաստանը պարտվել է նոր Հայաստանին. Տավուշի թեմի առաջնորդ | Ադրբեջանում գտնվող հայ գերիների հարցով անձամբ զբաղվում է ՌԴ նախագահը. Արա Աբրահամյան | Վարչապետի մեքենային ձվով հարվածելու համար քաղաքացին բերման չի ենթարկվել․ ոստիկանություն | «Ի՞նչ կարող ես անել հենց դու մեր տղաներին ավելի արագ տուն վերադարձնելու համար». Նարեկ Մարգարյան | Ինչպես է «Դիզափայտ ջոկատ»-ը կազմակերպել Խծաբերդ և Հին Թաղեր գյուղերի ինքնապաշտպանությունը | «Առկա շփոթում լղոզվում է իրական կորստի չափը». Ռաֆայել Թեյմուրազյան | Իրանում Ս. Թադեոս հայկական վանքին նվիրված նամականիշ է թողարկվել |

Աշխարհ

Ադրբեջանը դիմել է ՌԴ-ին և այլ երկրների՝ աջակցել Սեմյոն Պեգովի և Սեմյոն Բաղդասարովի նկատմամբ հարուցված քրեական գործին. Պեգովը դա ծիծաղելի է համարել
Ադրբեջանը դիմել է ՌԴ-ին և այլ երկրների՝ աջակցել Սեմյոն Պեգովի և Սեմյոն Բաղդասարովի նկատմամբ հարուցված քրեական գործին. Պեգովը դա ծիծաղելի է համարել
21/11/2020 21:40

Ադրբեջանի գլխավոր դատախազությունը պաշտոնական դիմում է ուղարկել Ռուսաստանի և այլ երկրների իրավապահ մարմիններին՝ ՌԴ քաղաքացիներ Սեմյոն Պեգովի և Սեմյոն Բաղդասարովի նկատմամբ Ադրբեջանում հարուցված քրեական գործով քննչական միջոցառումներ իրականացնելուն իրավաբանական ցուցաբերելու խնդրանքով: Գլխավոր դատախազության քննչական վարչությունը հետաքննություն է վարում բլոգեր Սեմյոն Պեգովի և Մերձավոր Արևելքի և Կենտրոնական Ասիայի հետազոտությունների կենտրոնի տնօրեն Սեմյոն Բաղդասարովի նկատմամբ, որոնց գործողությունները որակավորված են Ադրբեջանի քրեական օրենսգրքի 214-2 (ահաբեկչության բաց կոչեր), 281.2 հոդվածներով (մի խումբ մարդկանց կողմից Ադրբեջանի տարածքային ամբողջականության դեմ ուղղված կոչեր), 283.2.1 (էթնիկական ատելության բաց կոչեր`լրատվամիջոցների միջոցով բռնության սպառնալիքով)։ Ադրբեջանի գլխավոր դատախազությունը նշում է, որ Պեգովը մեղադրվում է նաև Ադրբեջանի «պետական սահմանն» ապօրինի հատելու մեջ:

 

«Ծիծաղելի է տեսնել, թե ինչպես են Ադրբեջանի իշխանությունները և Ալիևը անհանգստացած @wargonzo նախագծի մասնագիտական գործունեությամբ», – գրում է Սեմյոն Պեգովը։

«Պարզվում է, որ մեր փոքր թիմը, որը հազիվ մեկ տասնյակ աշխատակից ունի, լուրջ վտանգ է ներկայացնում Ադրբեջանի պետականության համար: Նախ` դա գովեստ է: Նախկինում երբեք մեզ այդքան ազդեցիկ լրատվամիջոց չենք զգացել: Շնորհակալություն:

Երկրորդ` կրկնակի զվարճալի է հետևել կոգնիտիվ գործընթացներին, որոնք տեղի են ունենում Ադրբեջանի դատախազների գլուխներում, որոնք չեն հասկանում տարրական բաներ: Օրինակ` որ ցանկացած նորմալ լրագրողի գործը տեղեկատվության տիրապետելն ու հասարակությանը մատչելի դարձնելն է:

Երրորդ՝ @wargonzo նախագծում մեզ ավելի ու ավելի է թվում, որ պաշտոնական Բաքվին (և Անկարային նույնպես) ամենևին չի մտահոգում մեր՝ Արցախում գտնվելը կամ պարտիզանական պատերազմի մասին հաղորդագրությունները: Այլ մեր՝ «իրենց կողմի» աղբյուրները, որոնք, օրինակ, հավաստի տեղեկություններ են փոխանցել թուրքամետ գրոհայիններին ռազմաճակատ տեղափոխելու մասին:

Մենք այս տեղեկությունը հրապարակել ենք, չնայած թուրք-ադրբեջանական հատուկ ծառայությունների ջանքերին, որոնք, իհարկե, փորձեցին թաքցնել սպասվող միջամտության բոլոր «հյութեղ» մանրամասները: Հետո մեր տեղեկությունները հաստատվեցին ամենաբարձր մակարդակով: Եվ դա ոչ միայն ԱՀԾ-ի ղեկավար Նարիշկինի մասին է, նաև առաջատար արևմտյան տերությունների ղեկավարները համերաշխ էին այս ահաբեկչական սպառնալիքի վերաբերյալ իրենց գնահատականներում:

Մենք նաև բավականին լավ գիտենք, թե ինչպես են Թուրքիան և Ադրբեջանը այժմ ծրագրում կիրառել իրենց ծայրահեղական ակտիվները Անդրկովկասում և հարևան տարածաշրջաններում: Եվ, իհարկե, այս մասին էլ կգրենք:

Կասկածներ ունենք, որ հենց մեր այս դիմակազերծման աշխատանքն է դարձել Ալիևի լարված ուշադրության պատճառը: Դե նրան կարելի է հասկանալ: Թուրքիայում ոչ բոլոր վերնախավերն են համաձայն Էրդողանի քաղաքականության և կրոնական արմատականներին՝ որպես աշխարհաքաղաքական գործիք կիրառելու հետ:

Այնպես որ` նման մեթոդների պատմական օրինականությունը մեծ հարց է: Ապագայում, միջազգային քաղաքական մթնոլորտի կտրուկ փոփոխության դեպքում, այս ամենը սպառնում է Ալիևին անձնական տրիբունալով: Ավելին` դա հնարավոր է սեփական երկրում:

Վերջում մենք նշում ենք, որ Ադրբեջանի գլխավոր դատախազության կողմից ոչ մի սպառնալիք չի կարող ազդել @wargonzo նախագծի սկզբունքների և մեր անձնական համոզմունքների վրա»,- գրում է Պեգովը։