Այս առաջարկին հավատացել ու օգոստոսի 10-ին Վահե Շահվերդյանի ներկայացրած հաշվեհամարին 117 հազար դրամ գումար է փոխանցել Հայկ Մինասյանը՝ Ծաղկաձորում 3 օր հանգստի և 3 օր էլ ակցիայի դիմաց: Հայկը հայտնեց, որ այդ ընկերության ինստագրամյան էջում է տեսել ու հավատացել, որ շատերն են այդ ակցիայից օգտվել հուլիսին: Հայկի բախտը, սակայն, չբերեց սեպտեմբերի համար: Հինգ օր շարունակ Հայկը Վահեի հետ չի կարողանում կապ հաստատել: Օգոստոսի 25-ին Հայկ կարողացել է խոսել Վահեի հետ: Անցնում է որոշ ժամանակ ու Հայկը տեսնում է, որ Վահեն իր ֆեյսբուքյան էջը ջնջել է: Հասմիկ Հարությունյանը ևս հավատացել էր «Բյութի օֆ Արմենիայի» տնօրենի ներկայացրած առաջարկին ու օգոստոսի 11-ին ընկերության հաշվերահամարին 495 000 դրամ փոխանցել՝ «Ջերմուկ» մեկնելու համար: Անցել է մի քանի օր ու Վահե Շահվերդյանի հեռախոսահամարներն անհասանելի են եղել: Հյուրանոցից ճշտել է, որ Վահե Շահվերդյանին փոխանցված գումարը հյուրանոց չի հասել, ամրագրումը չեղարկվել է: Հասմիկ Հարությունյանը դիմել է ոստիկանություն: Նա ունի նաև Վահեի հետ հեռախոսազրույցի ձայնագրությունը: Ոստիակնությունը «Ժամը» լրատվականին հայտնեց, որ ոստիկանության կենտրոնական բաժինը տարբեր քաղաքացիներից այդ անձի դեմ ստացել է հաղորդումներ, և այժմ նյութեր են նախապատրաստվում: