Գովազդի համար զանգահարել      093 765 360
Երևան 28/09/2020 21:31
Հաղթանակը չի´ վաճառվում. Վիտալի Բալասանյան | Հաղթանակը չի´ վաճառվում. Վիտալի Բալասանյան | ՄԱԿ-ի Անվտանգության խորհուրդը սեպտեմբերի 29-ին քննարկելու է Արցախում ստեղծված իրավիճակը | «Մի քանի օրվա ընթացքում հակառակորդին պիտի ծնկի բերենք». Արայիկ Հարությունյան | ՖՈՏՈ. Հակառակորդի խոցված ԱԹՍ-ն Սպիտակաշեն գյուղում | ՊԲ 46 զինծառայողներ հետմահու պարգևատրվել են «Մարտական ծառայություն» մեդալով | Թշնամին ամենուրեք տապալվում է մեր ոտքերի տակ. հաղթանակը մերն է. ԱՀ նախագահ |

Ռազմական

«Ժողովուրդ». ԳՇ պետը մերժել է բոլորին. սահմանափակվել է պաշտոնյաների շփումը զինվորների հետ
«Ժողովուրդ». ԳՇ պետը մերժել է բոլորին. սահմանափակվել է պաշտոնյաների շփումը զինվորների հետ
07/08/2020 10:05

«Ժողովուրդ» թերթը գրում է․ «Ի տարբերություն 2016 թվականի ապրիլյան ռազմական գործողությունների՝ այս տարի՝ հայ-ադրբեջանական սահմանում սկսված լարվածության ժամանակ, հանրությունն ականատես չեղավ պաշտոնյաների, որոնք մեկնեցին սահման, սելֆիներ արեցին զինվորների հետ:

Սակայն բոլորս ենք հիշում, թե ինչ իրավիճակ էր տարիներ առաջ՝ Ապրիլյան պատերազմի թեժ օրերից հետո. տարբեր պաշտոնյաներ, պատգամավորներ, լրագրողներ, նաև տարբեր անհատներ առիթը բաց չէին թողնում առաջնագիծ մեկնելու, այնտեղից լուսանկարներ հրապարակելու համար՝ հայտարարելով, թե զինվորների կողքին են և անգամ ամենափոքր օգնությունն էլ փորձում էին գովազդել:

 

Հիմա իրավիճակը միանգամայն այլ է. «Ժողովուրդ» օրաթերթի տեղեկություններով՝ սահմանային այս լարվածությունից հետո էլ մի շարք պատգամավորներ, պաշտոնյաներ, գործարարներ, հայտնիներ անձամբ են դիմել Հայաստանի Հանրապետության զինված ուժերի գլխավոր շտաբի պետ Օնիկ Գասպարյանին՝ սահմանագիծ մեկնելու ցանկությամբ, սակայն մերժում են ստացել:

Մեր տեղեկություններով՝ Զինված ուժերի ղեկավարությունը նրանց հստակ ասել է, որ Հայաստանում կորոնավիրուսային համավարակով պայմանավորված՝ նպատակահարմար չէ գնալ սահմանագիծ և շփվել զինվորների հետ: Բացատրվել է, որ այդպես փորձ է արվում կանխարգելել վարակի տարածումը բանակում:

Ընդ որում, նկատենք, որ Պաշտպանության նախարարությունն օգոստոսի 5-ին հայտարարություն էր տարածել և ընդգծել, որ անգամ նորակոչիկների երդման արարողության ժամանակ թույլ չեն տալու ծնողների ներկայությունը: Եվ, բացի այս արարողությունից, փաստորեն առհասարակ առաջնագծում ծառայող զինվորների հետ շփում որևէ մեկին չի թույլատրվել, չնայած՝ դիմողների պակաս չի եղել»:

Մանրամասները՝ թերթի այսօրվա համարում:

 
 
facebook sharing button
twitter sharing button