Գովազդի համար զանգահարել      093 765 360
Երևան 27/01/2021 19:40
Ֆրանսիայի ԱԳՆ պետքարտուղար․ Հայ գերիներին վերադարձնելու հարցը քննարկվում է Ադրբեջանի իշխանությունների հետ | «Ուզում եմ խոնարհվել, Էդգար ջան». Արայիկ Հարությունյանը Արցախի հերոսի կոչում շնորհեց սերժանտ Էդգար Մարկոսյանին | Ճանաչենք մեր հերոսներին. ՊԲ-ն հերոսական դրվագներ է ներկայացրել | Հայրենիքի փրկության շարժումը հատուկ որոշում չի կայացրել վաղվա հանրահավաքին մասնակցության վերաբերյալ | «Վախենո՞ւմ են Սահակյան եղբայրներից այդ դուխով վախկոտները». Արագածոտնի նախկին մարզպետը դատարանում է | ՌԴ եւ Հայաստանի ԱԳՆ ղեկավարները քննարկել են Ղարաբաղի վերաբերյալ եռակողմ հայտարարությունների իրագործումը | «Լուսավոր Հայաստան». Փաշինյանը վախենում է նոր վարչապետի ընտրությունից իր հրաժարականի դեպքում | Հայկ Մարությանը դուրս է եկել «Քաղաքացիական պայամանագիր» կուսակցությունից․ իշխանության ներսում իրավիճակը լարված է |

Աշխարհ

Սուրբ Սոֆիային մզկիթի կարգավիճակը վերադարձնելը կարող է հանգեցնել կրոնական պառակտման․ Եկեղեցիների համաշխարհային խորհուրդ
Սուրբ Սոֆիային մզկիթի կարգավիճակը վերադարձնելը կարող է հանգեցնել կրոնական պառակտման․ Եկեղեցիների համաշխարհային խորհուրդ
12/07/2020 10:00

Սուրբ Սոֆիային մզկիթի կարգավիճակը վերադարձնելը կարող է հանգեցնել կրոնական պառակտման եւ վտանգավոր նախադեպ ստեղծել այլ կրոնական խմբերի համար, ասվում է Թուրքիայի նախագահ Ռեջեփ Թայիփ Էրդողանին ուղղված Եկեղեցիների համաշխարհային խորհրդի գլխավոր տնօրենի ժամանակավոր պաշտոնակատար Իոան Սաուկայի նամակում, հայտնում է ՌԻԱ Նովոստին: Շաբաթ օրը Եկեղեցիների համաշխարհային խորհրդի մամուլի ծառայության կողմից տարածված նամակում Սաուկան արտահայտում է «ԵՀԽ-ի եւ 110 երկրներից 350 եկեղեցիների վիշտն ու տարակուսանքը», որոնք վերաբերում են Սուրբ Սոֆիայի հանդեպ Թուրքիայի իշխանությունների կատարած քայլին:

«Որոշելով Սուրբ Սոֆիան կրկին եկեղեցու վերածել, դուք հետ եք շրջել Թուրքիայի թափանցիկության դրական նշանները եւ դրանք վերածել եք բացառման եւ բաժանման նշանների»,- ասվում է նամակում:

Սաուկան ափսոսում է, որ Թուրքիայի որոշումը կայացվել է առանց իրավիճակը ՅՈՒՆԵՍԿՕ-ի հետ քննարկելու՝ հաշվի առնելով Սուրբ Սոֆիայի միջազգային արժեքը:

Ըստ նրա, Սուրբ Սոֆիային մզկիթի կարգավիճակը վերադարձնելը «անխուսափելիորեն կհանգեցնի անապահովության, կասկածների եւ անվստահության, կխաթարի տարբեր հավատքի տեր մարդկանց երկխոսության եւ համագործակցության սեղանի շուրջ համախմբելու բոլոր ջանքերը»:

ԵՀԽ-ում նաեւ մտավախություն ունեն, որ Թուրքիայի իշխանությունների որոշումը «կոգեւորի այն խմբերի հավակնությունները, որոնք ցանկանում են փոխել գոյություն ունեցող ստատուս քվոն եւ առաջ քաշել կրոնական համայնքների տարանջատման գաղափարը»: