Գովազդի համար զանգահարել      093 765 360
Երևան 10/07/2020 16:05
Հայաստանը կրկին 10-րդ տեղում է աշխարհում կորոնավիրուսով վարակման դեպքերի թվով մեկ միլիոն բնակչության հաշվով | Մեր փոքրիկ Մոնթեան նույնպես կմեծանա քո թողած հսկայական գործը հիշելով եւ դրանով կրթվելով. Տաթեւիկ Ռեւազյան | Նիդերլանդները Հայաստանին 200 հազար եվրո է փոխանցում կորոնավիրուսի դեմ պայքարի համար | «1000 դրամների» օրենքով 3 մլրդ դրամից ավելի պարտավորություն չի կատարվել. ինչու՞ չի հաջողվում գանձել պարտադիր վճարները | Երկու ամսվա ընթացքում կարող ենք իջեցնել կորոնավիրուսի նոր դեպքերի թիվը մինչեւ օրական 30-40․ Արա Բաբլոյան | Ոստիկանները բերման ենթարկեցին Բաղրամյան 26-ի դիմաց բողոքի ակցիա անողներին, այդ թվում Չախալյանին ու Աղեկյանին | Ծառուկյանից վախենալ պետք չէ, պետք է վախենալ առանց աշխատանք մնացած հազարավոր մարդկանցից. Հայտարարություն | ԱԽ նիստում վարչապետը հանդես է եկել Ազգային անվտանգության ռազմավարության վերաբերյալ ուղերձով (ֆոտո) |

Աշխարհ

Չինաստանում գիտնականները վիրուսի նոր տեսակ են հայտնաբերել, որը «համավարակ դառնալու մեծ ներուժ ունի»
Չինաստանում գիտնականները վիրուսի նոր տեսակ են հայտնաբերել, որը «համավարակ դառնալու մեծ ներուժ ունի»
30/06/2020 10:07




Չինաստանում գիտնականները վիրուսի նոր տեսակ են հայտնաբերել, որը, նրանց խոսքով, «համավարակ դառնալու մեծ ներուժ ունի», գրում է BBC-ն։

Վիրուսը, որը կոչվում է G4 EA H1N1, փոխանցվում է խոզերի միջոցով, ասված է նոր հետազոտական հոդվածում։

Գիտնականների համաձայն՝ քանի որ սա վիրուսի նոր տեսակ է, մարդիկ, ամենայն հավանականությամբ, թույլ իմունիտետ կամ վատագույն դեպքում՝ իմունիտետ չեն ունենա դրա նկատմամբ։

Հետազոտության հեղինակներից մեկի խոսքով՝ «մենք չպետք է անտեսենք ստացված արդյունքները»։

Մեծ Բրիտանիայի Նոթինգհեմի համալսարանի պրոֆեսոր Քին-Չոու Չանը BBC-ին ասել է.«Հիմա մենք տարված ենք կորոնավիրուսի դեմ պայքարով, ինչը բնական է, սակայն չպետք է անտեսել վտանգավոր նոր վիրուսների տարածման հնարավորությունը»։

Proceedings of the National Academy of Sciences ամսագրում հրապարակված հոդվածում ասվում է. «G4 վիրուսներն ունեն «համավարակի վիրուս դառնալու» բոլոր զգալի հատկանիշները։ Անհանգստացնող է այն փաստը, որ խոզաբուծության ոլորտի աշխատողները ցույց են տալիս G4 վիրուսի նկատմամբ գերզգայունություն»։

Նրանց պնդմամբ՝ հիշյալ վիրուսը նման է խոզի գրիպին, սակայն որոշ էական տարբերություններ կան այդ երկու վիրուսների միջև։

Հետազոտողները նաև հայտարարել են, որ G4 EA H1N1 անվանումով նոր վիրուսը դեռևս մեծ տարածում չի գտել Չինաստանում, սակայն առկա են վկայություններ այն մասին, որ տեղական սպանդանոցների աշխատողների և խոզաբույծների շրջանում մեծանում է վարակակիրների թիվը։

Գիտնականները խորհուրդ են տվել արագ միջոցներ ձեռնարկել վիրուսի դեմ պայքարելու ուղղությամբ: