Գովազդի համար զանգահարել      093 765 360
Երևան 06/08/2020 04:41
Ամուլսարում բողոքի ակցիան ավարտվեց. ակցիայի մասնակիցները վաղը նորից կհավաքվեն | Microsoft-ի եւ TikTok-ի գործարքի գինը կարող է կազմել 30 մլրդ դոլար | Կոչ ենք անում հայրենի եւ աշխարհասփյուռ մեր ժողովրդին այս ծանր պահին ամուր կանգնել լիբանանահայության կողքին․ ՀՅԴ Բյուրո | Facebook-ը Instagram-ում գործարկում է TikTok-ի մրցակցին | Տեսանյութ. Ինչ է կատարվել Արթուր Դանիելյանի ու Ալեն Սիմոնյանի միջև. տեսանյութը հայտնվել է համցանցում | ԱՄՆ-ում բողոքի ցույցերի սկսվելուց հետո ՀԴԲ-ն ներքին ահաբեկչության գործերով 300-ից ավելի հետաքննություն է սկսել | Քիմ Քարդաշյանը կոչ է արել աղոթել Բեյրութի համար | Վթարային ջրանջատում Երևանի Դավթաշեն վարչական շրջանում օգոստոսի 6-ին |

ՏՏ

Apple-ը կթողարկի առաջին ծալովի iPhone-ը
Apple-ը կթողարկի առաջին ծալովի iPhone-ը
17/06/2020 12:22

Apple-ը կթողարկի առաջին ծալովի iPhone-ը: Այս տեղեկությունը իր Twitter-յան էջում գաղտնազերծել է ինսայդեր Ջոն Փրոսերը, փոխանցում է Lenta-ն: 

Փրոսերը հայտարարել է, որ ամերիկյան ապրանքանիշի ապագա ծալովի սմարթֆոնի դիզայնը տարբերվում է մյուս ընկերությունների համանման սարքերի դիզայնից. «Ծալովի iPhone-ն իրականում ծալովի չէ»: Բլոգերը հայտնել է, որ գաջեթի նախատիպը կազմված է էկրաններով 2 պանելից, որոնք միացված են ծղխնիով: Ըստ որում՝ Samsung Galaxy Fold-ը, Huawei Mate X-ը եւ շուկայի մյուս ծալովի սմարթֆոններն ունեն ամբողջական դիսփլեյ, որը կարելի է թեքել մի քանի ուղղությամբ:

Հեղինակը նշել է նաեւ, որ iPhone-ի նախատիպը Face ID-ի տակ կտրվածք չունի, ինչպես ապանքանիշի արդիական սարքերում: Դրա փոխարեն, էկրանի վերին հատվածում գտնվում է ոչ մեծ ելուստ, որի մեջ ներկառուցված է կենսաչափական սենսոր: Կոնցեպտուալ դեվայսն ունի չժանգոտվող պողպատից կլորացված շրջանակ:

Փրոսերն ավելի ուշ իր հաշվետվությունը լրացրել է՝ նշելով, թե «Apple-ը հազիվ թե ուղղակի իրար միացրած լինի երկու սմարթֆոն»: Բլոգերը հայտարարել է, որ չնայած սարքի պանելները միացնող ծղխնիին, բաց վիճակում դեվայսը բավականին ամբողջական է երեւում:

Հեղինակի արտահոսքին ուշադրություն է դարձրել հայտնի համացանցային ինսայդեր @OnLeaks-ը, որը կասկածի է ենթարկել Փրոսերի ներկայացրածը: Ի պատասխան Ջոնը հայտարարել է, որ ստուգում է իր ստացած տեղեկությունները եւ վստահում է իր աղբյուրներին:

Ջոն Փրոսերը մայիսին բացահայտել էր աշնանը նախատեսված Apple-ի սմարթֆոնների բնութագրերը: Բլոգերի խոսքով՝ iPhone 12 Pro-ն եւ 12 Pro Max-ը թողարկվելու էին համապատասխանաբար՝ 6,1 եւ 6,7 դյույմ անկյունագծով դիսփլեյներով, բազային iPhone 12-ը հասանելի էր լինելու 2 տարբերակով՝ 5,4 եւ 6,1 դյույմ անկյունագծով էկրաններով: