Գովազդի համար զանգահարել      093 765 360
Երևան 14/10/2019 12:21
«Միասին դիմակայել Թուրքիայի ագրեսիային». քրդերը օգնության շուրջ համաձայնության են եկել Սիրիայի իշխանությունների հետ | Երեւանն ընդգրկվել է 2020 թվականի աշխարհի ամենաակտիվ տուրիստական ուղղությունների թոփ 10-յակում: | Երկար ժամանակով լույս չի լինելու Երեւանում եւ 9 մարզերում | Խախտումներ` Գյումրիի հոգեկան առողջության կենտրոնում․ ՄԻՊ-ն ամփոփել է մշտադիտարկման արդյունքները | Հայաստանի առաջին կին անտառապետը | Ահա թե ինչ է փոխվել Հայաստանում. Նիկոլ Փաշինյանը հիացած է, լուսանկարներ է հրապարակել | Քիմ Քարդաշյանի քույրը պարում է Նիկոլ Փաշինյանի «Դուխով» երգի տակ, տեսանյութ | Հայկական արտադրության պաղպաղակները դուր է եկել փոքրիկ Քարդաշյաններին |

Ռազմական

ԶՈՒ գեներալները ուշագրավ տվյալներ են հայտնել Խաչատուրովի՝ Ապրիլյան պատերազմին մասնակցության վերաբերյալ
ԶՈՒ գեներալները ուշագրավ տվյալներ են հայտնել Խաչատուրովի՝ Ապրիլյան պատերազմին մասնակցության վերաբերյալ
07/10/2019 23:53

ՀՀ ԶՈՒ գլխավոր շտաբի պետ, գեներալ–մայոր Արտակ Դավթյանը և ԶՈՒ ԳՇ վարչական ապարատի ղեկավար, գեներալ-մայոր Արիս Բրուտյանը ուշագրավ տվյալներ են տրամադրել 2016թ. ապրիլյան ռազմական գործողություններին ԶՈՒ գլխավոր շտաբի նախկին պետ Յուրի Խաչատուրովի մասնակցության վերաբերյալ։ Հիշյալ փաստաթղթերն այսօր՝ հոկտեմբերի 7-ին, Յուրի Խաչատուրովն ընդդեմ Ստեփան Գրիգորյանի գործով նախնական դատական նիստում դատարանին ներկայացրեց Խաչատուրովի ներկայացուցիչ, փաստաբան Անահիտ Սարգսյանը։

Նշենք, որ Խաչատուրովի ներկայացուցիչը դեռևս նախորդ տարի հարցում էր ուղարկել Արտակ Դավթյանին՝ հետաքրքրվելով, թե Յուրի Խաչատուրովը 2016թ. ապրիլի 2–ին հակառակորդի գործողությունների մասին տեղեկություն ստանալուց հետո որքա՞ն ժամանակ անց է եղել իր աշխատանքի վայրում և անցել իր պարտականությունների կատարմանը։

Ի պատասխան փաստաբանի հարցման՝ Արտակ Դավթյանը հայտնել է, որ 2016թ. ապրիլի 2–ին ՀՀ զինված ուժերի գլխավոր շտաբի պետի պաշտոնում է եղել Յուրի Խաչատուրովը, ով, ստանալով տեղեկատվություն հակառակորդի՝ Ադրբեջանի Հանրապետության զինված ուժերի նախահարձակ գործողությունների մասին, 20-25 րոպե հետո՝ ժամը 03:10–03:15–ի սահմաններում ներկայացել է ծառայության վայր և զինված ուժերի կառավարումն իրականացրել անմիջապես իր կառավարման կետից։

Գլխավոր շտաբի պետը միաժամանակ հայտնել է, որ իր պատասխանը հիմնավորող փաստաթղթերի պատճենները չի կարող տրամադրել, քանի որ դրանք պարունակում են գաղտնի տեղեկություններ։

Փաստաբանական հարցման է ենթարկվել նաև ՀՀ ԶՈՒ ԳՇ վարչական ապարատի ղեկավար, գեներալ-մայոր Արիս Բրուտյանը, ով ևս տիրապետում է 2016թ. ապրիլյան պատերազմի մասին անհրաժեշտ տեղեկությունների։

Ի պատասպան հարցման՝ Արիս Բրուտյանը նույնպես հաստատել է, որ Յուրի Խաչատուրովը հակառակորդի գործողությունների մասին տեղեկանալուց հետո՝ ապրիլի 2–ին ժամը 03:15–ի հատվածում  եղել է իր աշխատավայրում։

 Հարցին, արդյոք եղե՞լ է դեպք, երբ Յուրի Խաչատուրովը ապրիլի 2-5–ը ընկած ժամանակահատվածում անհարգելի բացակայի իր ծառայության վայրից և խուսափի իր պարտականությունների կատարումից, Բրուտյանը

 

բացասական պատասխան է տվել.

«Խաչատուրովը շուրջօրյա եղել է հրամանատարական կետում»։

 Փաստաբանը հետաքրքրվել է նաև, թե Խաչատուրովի կամ այլ բարձրաստիճան սպաների գործողությունները հնարավորություն տվե՞լ են ենթադրելու, որ վերջիններս հակված են նրան, որ Ապրիլյան պատերազմի օրերին հայկական զինված ուժերը տարածքներ զիջեն, իսկ արդեն գրավվածները հետ չվերադարձնեն։

Ի պատասխան՝ բարձրաստիճան զինվորականը հայտարարել է, որ նման խոսակցություն չի եղել և վերադասի կողմից նման հրամաններ չեն ստացել։ «Եղել է կարգադրություն՝ պլանավորել և հետ վերցնել հակառակորդի կողմից գրավված դիրքերը, ընդ որում, հնարավորինս շտապ»,–ասել է Արիս Բրուտյանը։

Խաչատուրովն ընդդեմ Գրիգորյանի գործով այսօրվա նախնական նիստում Խաչատուրովի ներկայացուցիչը հայտարարեց, որ բարձրաստիճան զինվորականների կողմից ներկայացված պատասխանները ևս մեկ անգամ հերքում են Գրիգորյանի կողմից՝ Խաչատուրովին հասցեագրված մեղադրանքները։

Նշենք, որ Գլոբալիզացիայի և տարածաշրջանային համագործակցության վերլուծական կենտրոնի նախագահ Ստեփան Գրիգորյանը դեռևս նախորդ տարի տված իր մամլո ասուլիսներից մեկում անդրադարձել էր 2016-ի ապրիլյան քառօրյա պատերազմի մասին՝ ասելով, թե որոշ գեներալներ չեն եղել իրենց տեղում, կարճ ժամանակում չեն եկել աշխատավայր, ինչպես նաև՝ մեղադրանքներ էր հնչեցրել, որ ապրիլյան քառօրյա պատերազմի օրերին որոշ տարածքներ վաճառվել են ՀՀ գեներալների՝ այդ թվում Յուրի Խաչատուրովի կողմից: Այս հրապարակումներից հետո Յուրի Խաչատուրովը հայցադիմում էր ներկայացրել դատարան՝  Ստեփան Գրիգորյանի կողմից իր պատվին և արժանապատվությանը պատճառված վնասի հատուցման և հերքման պարտավորեցնելու պահանջներով։

Հիշեցնենք, որ Յուրի Խաչատուրովը  ՀԱՊԿ գլխավոր քարտուղարի պաշտոնից ազատվել է 2018թ. նոյեմբերի 2-ին։ Նա մեղադրվում է «Մարտի մեկի» գործով սահմանադրական կարգը տապալելու համար։ Նրա և ևս երեք բարձրաստիճան պաշտոնյաների վերաբերյալ գործը ներկայումս քննվում է դատարանում։