Գովազդի համար զանգահարել      093 765 360
Երևան 22/02/2020 14:30
Լուսաձոր համայնքի ղեկավարը ձևական աճուրդներով հող է վաճառել տարբեր անձանց, այդ թվում՝ որդուն. հարուցվել է քրգործ (տեսանյութ) | Հայաստանը Էլդորադո չէ, որտեղ ամեն ինչ կատարյալ է. Ռուբեն Վարդանյանը մեկնաբանել է տարբեր երկրներում գործարար աշխարհի համար առկա ներդրումային ռիսկերը (տեսանյութ) | Վիետնամում կորոնավիրուսով վարակված 3 ամսական երեխան ապաքինվել է | «Ժողովուրդ». Մարզերում հանրաքվեի քարոզարշավի աշխատանքները կհամակարգեն մարզպետները և այդ տարածքից վարկանիշային ընտրակարգով ընտրված պատգամավորները | Այդ ջերմադիտարկման սարքերի կիրառումը ՀՀ կորոնավիրուսի մուտքը կանխարգելող ոչ այնքան արդյունավետ մեթոդներից է. համաճարակաբան | Եղվարդի ծննդատունը չի փակվի. մարտից կսկսվեն հիմնանորոգման աշխատանքները. Ռոմանոս Պետրոսյան | Հանրապետության տարածքում վաղվանից ջերմաստիճանն աստիճանաբար կբարձրանա 3-5 աստիճանով | Ստեփանավանում ապօրինի ծառահատման դեպք է գրանցվել |

Առողջապահություն

Բողոքի ակցիա` առողջապահության նախարարության դիմաց. ավելի հաճախ են դարձել մանկական և մայրական մահացության դեպքերը
Բողոքի ակցիա` առողջապահության նախարարության դիմաց. ավելի հաճախ են դարձել մանկական և մայրական մահացության դեպքերը
07/10/2019 14:21

«Առողջ հանրություն» ՀԿ-ն առողջապահության նախարարության առջև բողոքի ակցիա է իրականացնում։

«Ակցիայի նպատակն է բարձրացնել բողոքի ձայնը առողջապահության նախարարության լռության դեմ։ Վերջին ամիսներին ավելի հաճախ ենք ականատես լինում մանկական և մայրական մահացության դեպքերին։ Պահանջում ենք, որ բոլոր այդ դեպքերը դառնան քննարկման առարկաներ ոչ միայն իրավապահ կառույցների կողմից, այլ նաև նախարարության, ստեղծված առանձին հանձնաժողովների կողմից։ Ոչ միայն մահացության դեպքերի մասին է պետք լսելի դարձնել, այլ այն բոլոր դեպքերի մասին, երբ հետպատվաստումային օրերին երեխաները հայտնվում են հիվանդանոցում», - լրագրողներին ասաց Մարինա Խաչատրյանը։

Նա նշեց` չի կարելի առանց հետազոտություններ իրականացնելու ինչ-որ արդյունքներ ցույց տալու համար հայտարարել, թե այստեղ պատվաստումը դեր չուներ։

Նա քաղաքացիներին կոչ արեց լիարժեք հետազոտել երեխաներին՝ մինչև պատվանյութ օգտագործելը։

«Ակցիան իրականացնում ենք որպես ծնողներ, ովքեր պատասխանատու են մեր յուրաքանչյուր երեխայի համար», - ասաց Խաչատրյանը։

Նա հույս հայտնեց, որ նախարարն անձամբ ականջալուր կլինի իրենց պահանջին։

«Եթե մեր պահանջը չիրականացվի, այս բողոքի ակցիան լինելու է շարունակական», - ասաց Մարինա Խաչատրյանը։

Բողոքի ակցիայի մասնակիցները երեխայի չհագած կոշիկներ և մոմեր էին շարել նախարարության աստիճաններին։