Գովազդի համար զանգահարել      093 765 360
Երևան 14/12/2019 08:49
Խաչատուր Սուքիասյանը Սերժ Սարգսյանի հետ մի կտոր հաց կերած կա՞, որ գնահատում է նրա լավ կամ վատ ընկեր լինելը. ժամանակը ցույց կտա, թե Սերժ Սարգսյանը լավ ընկեր, ղեկավար է եղե՞լ, թե՞ ոչ. Ռուբեն Հայրապետյան | Արմավիրի համայնքապետը մանկապարտեզի տնօրենին ազատել է աշխատանքից փոխքաղաքապետին «խոզապահ» ասելու համար | «Մեր տեսակին չեն կարող վախեցնել». Ռուբեն Հայրապետյան | Հարցը չափազանց կարևոր է. Էդմոն Մարուքյանը դիմել է Տաթևիկ Ռևազյանին | Առաջիկա օրերին հնարավոր է ոստիկանական ուժի կիրառում` Ամուսլարի շրջափակումը ճեղքելու համար. Նաիրա Զահրաբյան | Սենատի բանաձեւից հետո կսպասվի Հայոց ցեղասպանության ընդունման ալիք ԱՄՆ դաշնակիցների կողմից. Նադեին-Ռաեւսկի | Մասիս Մայիլյանն ու Անջեյ Կասպշիկը քննարկել են շփման գծում տիրող իրավիճակը | Մասիս Մայիլյանն ու Անջեյ Կասպշիկը քննարկել են շփման գծում տիրող իրավիճակը |

Մշակույթ

Ոչ, Հեմինգուեյը չի գրել «6 բառանոց» հայտնի պատմությունը
Ոչ, Հեմինգուեյը չի գրել «6 բառանոց» հայտնի պատմությունը
05/10/2019 11:41

Հեմինգուեյը մշտապես առանձնացել է իր մաքուր ու զուսպ գրական ոճով:


Կարելի է ենթադրել, որ 6 բառից բաղկացած հայտնի պատմությունը` «Վաճառվում են մանկական կոշիկներ` երբեք չհագած» (անգլերենում այն 6 բառով է արտահայտվում), հենց նրա գրչին է պատկանում: Բայց մինչև օրս ոչ մի ապացույց չկա, որ դա գրել է Հեմինգուեյը:
 
Լեգենդը պատմում է, որ 1920-ականներին եղել է հյուրանոցում, ընթրել ընկերների հետ, երբ որոշել են «գրազ գալ», թե ով ավելի լավ պատմություն կգրի, որը բաղկացած կլինի 6 բառից: Այն բանից հետո, երբ ընկերները սեղանին դրեցին գրազի համար նախատեսված գումարները, Հեմինգուեյը անձեռոցիկի վրա գրեց 6 բառ ու ցույց տվեց ընկերներին: Նրա ընկերներն այդ ժամանակ չկարողացան հերքել, որ «մանկական կոշիկները» իսկապես լիարժեք պատմություն է:
 
Ամենայն հավանականությամբ` այս պամությունը ծագել է Հեմինգուեյի մահից մի քանի տարի անց: Առաջին անգամ այն տպագրեց Փիթեր Միլլերը` 1991 թվականին` «Get Published! Get Produced!: A Literary Agent’s Tips on How to Sell Your Writing» գրքում: Անեկդոտ պատմելով` Միլլերը գրում է, որ առաջին անգամ լսել է այդ պատմությունը 1974 թվականին: Պատմությունը տարածվեց ու սկզբնաղբյուրն ավելի մթագնեց:
 
Դրա վերապատմությունը տեղ է գտել նույնիսկ մի դերասանի կենսագրական պիեսում Հեմինգուեյի մասին, իսկ հետո` «Ридерз дайджест» պարբերականում` 1998 թվականին:
 
Ինտերնետում այդ ժամանակ «Մանկական կոշիկներ» պատմությունը տարածվեց ավելի շատ, քան երբևէ: Թեև այն բազմիցս մեջբերվել է տարբեր հոդվածներում ու գրքերում, մինչև օրս ոչ ոք չի կարողացել գտնել դրա սկզբնաղբյուրը: Իսկ դրա իրական հեղինակին (եթե նա Հեմինգուեյը չէ) գուցե երբեք ոչ ոք չճանաչի:
 
Անի Սողոյան