Գովազդի համար զանգահարել      093 765 360
Երևան 22/02/2020 13:28
Արցախի Հանրապետությունը բանակցային գործընթացի լիարժեք մասնակից է և առանց Արցախի հետ բանակցությունների` հնարավոր չէ ԼՂ հարցի կարգավորում. Ն. Փաշինյանի ելույթը Անվտանգության խորհուրդների համատեղ նիստին | Նիկոլ Փաշինյանն ու Բակո Սահակյանն Արցախում անցկացրել են Անվտանգության խորհուրդների համատեղ նիստ | Քիմ Քարդաշյանը Netflix-ի շոուի նկարահանումներին մասնակցելուց հետո մոր և քույրերի հետ ընթրել է հայկական «Կարուսել» ռեստորանում (լուսանկարներ) | Կարո Փայլանը շնորհավորել է Մայրենի լեզվի միջազգային օրը` հայկական այբուբենի լուսանկարը հրապարակելով (լուսանկար) | Մոսկվայում սկսել են դեմքի ճանաչման համակարգ կիրառել՝ կորոնավիրուսի կարանտինը վերահսկելու համար | Տվյալներ են ստացվել կեղծ օգտատերերի միջոցով ահաբեկչության կոչերի տարածման վերաբերյալ . ԱԱԾ | Աննա Հակոբյանն այցելել է 12-րդ զավակն ունեցած Բեժանյանների ընտանիքին (ֆոտո) | Մեկնարկել է Ռազմիկ Աբրահամյանի դատական գործով վկաների հարցաքննության փուլը |

Տնտեսություն

Բանկային համակարգի փլուզում կանխատեսողներին է դիմել վարչապետի խորհրդականը
Բանկային համակարգի փլուզում կանխատեսողներին է դիմել վարչապետի խորհրդականը
14/09/2019 10:30

Բանկային գաղտնիքի մասին օրենքի փոփոխությունը որևէ ձևով չի վտանգում բանկային համակարգի կայունությունը և չի վնասում հաճախորդների իրավունքները։ Այս մասին ֆեյսբուքյան իր էջում գրել է ՀՀ վարչապետի խորհրդական Մեսրոպ Առաքելյանը՝ անդրադառնալով կառավարության ընդունած բանկային տեղեկությունների մատչելիությունն ապահովող նախագծին։

Նա մասնավորապես գրել է․

«Փոփոխությունով շարունակում է պահպանվել բացառապես դատարանի որոշմամբ բանկային գաղտնիքի տրամադրումը, որը բացակայում է մի շարք երկրներում, ինչպես բացակայում է նման օրենքի առկայությունը։

Ընդհանրապես, բանկային գաղտնիքը բացարձակ իրավունք չէ և այս փոփոխությունը ամբողջովին հիմնավոր է իրավական և տնտեսական տեսանկյունից։

Արդյունքում, այս փոփոխությունից հետո էլ բանկային համակարգի կայունությունը և վստահությունը շարունակելու է մնալ բարձր մակարդակի վրա՝ կարևոր գործոն համարելով հաճախորդների շահերի պաշտպանությունը։

Բանկային համակարգի փլուզում կանխատեսողներին առաջարկում եմ մի քանի ամսից ծանոթանալ բանկային համակարգի ցուցանիշներին»։

Հիշեցնենք, որ սեպտեմբերի 12-ին Կառավարությունը հաստատել է նախագիծ, որով իրավապահ մարմիններին մատչելի են լինելու նաեւ կասկածյալի ու մեղադրյալի ընտանիքի անդամների կամ նրանց փոխկապակցված անձանց բանկային գաղտնիք պարունակող ֆինանսական տվյալները։ Փոխվարչապետ Մհեր Գրիգորյանը, այնուհետեւ տարբեր փորձագետներ մտահոգություններ են հայտնել նախագծի վերաբերյալ՝ այն համարելով խիստ վտանգավոր։