Գովազդի համար զանգահարել      093 765 360
Երևան 16/09/2019 04:41
Արամ Ա-ի մոր հուղարկավորությունը տեղի կունենա սեպտեմբերի 18-ին | Արևելյան հեքիաթներ՝ հայկական ոճով․ ինչով է Երևանում հիացել Քուվեյթի շեյխի կինը | Հարսնացուն Հայաստանից. Աբուջայում ապրող միակ հայկական ընտանիքի սիրո պատմությունը.տեսանյութ | Արփինե Հովհաննիսյանը ներքաղաքական զարգացումների եվ դատաիրավական բարեփոխումների մասին | Ինչպես է «Ռոմա»-ի մարզադաշտը «գոռում» Մխիթարյանի ազգանունը (տեսանյութ) | Հայտնի է դարձել, երբ կթողարկվի Յուլյա Նաչալովայի՝ մահվանից հետո հայտնաբերված վերջին երգը (տեսանյութ) | 29-ամյա հայուհին սայլակ օգտագործող հաշմանդամ կանանց գեղեցկության մրցույթի եզրափակչում է | Հենրիկ Մխիթարյանի առաջին խաղը Ռոմայի թիմում |

Իրավունք

«Ասենք, եթե կալանավորված անձը նկարիչ է, մենք պատժում ենք, չենք թողնում որ նկարի՞». Փաշինյանը՝ փոխնախարարին
«Ասենք, եթե կալանավորված անձը նկարիչ է, մենք պատժում ենք, չենք թողնում որ նկարի՞». Փաշինյանը՝ փոխնախարարին
12/09/2019 12:28

ՀՀ կառավարությունն իր այսօրվա՝ սեպտեմբերի 12-ի նիստում որոշում կայացրեց փոփոխություններ կատարել իր որոշումներից մեկում՝ ՍԴ փետրվարի 5-ին կայացված որոշման կատարումն ապահովելու նպատակով:

Հարցը ներկայացրեց արդարադատության նախարարի առաջին տեղակալ Ռաֆիկ Գրիգորյանը: Նա նշեց, որ այս որոշումով նախատեսվում է, որ ազատությունից զրկված անձին տույժի միջոցներ կիրառելիս պետք է հաշվի առնել ոչ միայն խախտումը կատարելու հանգամանքները, այլ դատապարտյալի անձը, նրա վարքագիծը, այլ նաեւ տույժի միջոցի նպատակին հասնելու ողջամիտ անհրաժեշտությունը: Նախատեսվում է, որ պատժախցում գտնվելու ժամանակամիջոցում կալանավորված անձին կամ դատապարտյալին արգելվում է աշխատելը:

Նաեւ նախատեսվել է, որ պատժախցում գտնվելու ժամանակամիջոցում արգելվում են տեսակցությունները, բացառությամբ օրենքով նախատեսված դեպքերի, հեռախոսակապից օգտվելը, դրամական փոխանցումներ, հանձնուքներ ու ծանրոցներ ստանալը և ուղարկելը, նամակագրություն վարելը, գրականությունից և զանգվածային լրատվությունից օգտվելը, աշխատելը, քաղաքացիաիրավական գործարքներին մասնակցելը:

Փոխնախարարը նշեց, որ այս փոփոխություններով որոշման դրույթները կհամապատասխանեցվեն ՍԴ վերը նշված որոշմանը:

Վարչապետ Նիկոլ Փաշինյանը հետաքրքրվեց, թե ինչու է սահմանվել, որ կալանավորը պատժախցում չի կարող աշխատել. «Ասենք, եթե անձը նկարիչ է, մենք պատժում ենք, չենք թողնում որ նկարի՞»: Փոխնախարարը պատասխանեց, որ խցում անձը կարող է աշխատել, իսկ պատժախցում ոչ, որովհետեւ դա եւս մեկ սահմանափակման ձեւ է:

Օմբուդսմեն Արման Թաթոյանը նշեց, որ նախկինում պատժախուց տեղափոխվող անձը մեխանիկորեն զրկվում էր հեռախոսակախպից, իսկ հիմա ամեն մի դեպքում այն պետք է քննարկվի եւ որոշում կայացվի. «Սա հնարավորություն կտա անհատական մոտեցում ցուցաբերել: Սա խրախուսանքի մի մաս է»: