Գովազդի համար զանգահարել      093 765 360
Երևան 29/01/2020 18:03
Սեյրան Օհանյանի և Անդրանիկ Քոչարյանի ճեպազրույցը․ՈՒՂԻՂ | Հայտնի են սահմանադրական բարեփոխումների մասնագիտական հանձնաժողովի անդամների՝ մրցութային կարգով ընտրված թեկնածուները | Հենրիխ Մխիթարյանը՝ Հայաստանի 2019 թ. լավագույն ֆուտբոլիստ | 1 տոննայից ավելի նվերներ Սիրիայի փոքրիկներին | ՔԱԿ-ն Ռայանէյր ավիաընկերության հետ կապված խնդրի վերաբերյալ տեղեկացրել է ավիաընկերությանը | ՀՀ վճռաբեկ դատարանի նախագահ Երվանդ Խունդկարյանն ընտրվեց Արդարադատության ակադեմիայի կառավարման խորհրդի նախագահ | Ժնևում մեկնարկել է ՀՀ և Ադրբեջանի ԱԳ նախարարներ Զոհրաբ Մնացականյանի և Էլմար Մամեդյարովի հանդիպումը | Ապօրինի որդեգրման գործով «Երևանի մանկան տուն» ՊՈԱԿ-ի տնօրենը կալանավորվեց |

Իրավունք

Ոստիկանները բերման ենթարկեցին մի երիտասարդի. Քոչարյանի աջակիցների ակցիան դատարանի մոտ
Ոստիկանները բերման ենթարկեցին մի երիտասարդի. Քոչարյանի աջակիցների ակցիան դատարանի մոտ
12/09/2019 11:46

Ոստիկանները քիչ առաջ բերման ենթարկեցին մի երիտասարդի Երեւանի ընդհանուր իրավասության դատարանի Շենգավիթի նստավայրի մոտից։ Նշենք, որ այսօր՝ սեպտեմբերի 12-ին, Ռոբերտ Քոչարյանի աջակիցները բողոքի ակցիա են իրականացնում դատարանի մոտ` պահանջելով դատարանից անհապաղ ի կատար ածել ՍԴ որոշումը եւ ազատ արձակել երկրորդ նախագահին:

Դատարանի դիմաց առավոտից մեծ թվով ոստիկաններ են հավաքվել։

Բերման ենթարկվելիս քաղաքացին բղավեց. «Լսեցի, որ ուզում եք ժողովրդին քշեք, ես էլ ասում եմ՝ ժողովուրդը չի քշվում»։

Նշենք, որ Երեւանի ընդհանուր իրավասության դատարանի Շենգավիթի նստավայրում, դատավոր Աննա Դանիբեկյանի նախագահությամբ այսօր կայանալու է «Մարտի մեկի» գործով սահմանադրական կարգը տապալելու համար մեղադրվող ՀՀ երկրորդ նախագահ Ռոբերտ Քոչարյանի եւ մյուս նախկին պաշտոնյաների վերաբերյալ գործի քննությունը։ Այս գործով մեղադրյալի կարգավիճակում են ՀՀ երկրորդ նախագահ Ռոբերտ Քոչարյանը, ՀՀ ԶՈՒ նախկին գլխավոր շտաբի պետ, ՀԱՊԿ նախկին գլխավոր քարտուղար Յուրի Խաչատուրովը, ՀՀ պաշտպանության նախկին նախարար Սեյրան Օհանյանը եւ ՀՀ նախկին փոխվարչապետ Արմեն Գեւորգյանը։ Գործով կալանքի տակ է միայն Ռոբերտ Քոչարյանը։ Երկրորդ նախագահը կալանավորվել է երեք անգամ. վերջինը՝ հունիսի 25-ին Վերաքննիչ քրեական դատարանի դատավոր Արմեն Դանիելյանի որոշմամբ։ Սեյրան Օհանյանի եւ Արմեն Գեւորգյանի նկատմամբ, որպես փախանման միջոց է ընտրված՝ չհեռանալու մասին ստորագրությունը, իսկ Խաչատուրովի նկատմամբ՝ գրավը։