Գովազդի համար զանգահարել      093 765 360
Երևան 16/09/2019 04:07
Արամ Ա-ի մոր հուղարկավորությունը տեղի կունենա սեպտեմբերի 18-ին | Արևելյան հեքիաթներ՝ հայկական ոճով․ ինչով է Երևանում հիացել Քուվեյթի շեյխի կինը | Հարսնացուն Հայաստանից. Աբուջայում ապրող միակ հայկական ընտանիքի սիրո պատմությունը.տեսանյութ | Արփինե Հովհաննիսյանը ներքաղաքական զարգացումների եվ դատաիրավական բարեփոխումների մասին | Ինչպես է «Ռոմա»-ի մարզադաշտը «գոռում» Մխիթարյանի ազգանունը (տեսանյութ) | Հայտնի է դարձել, երբ կթողարկվի Յուլյա Նաչալովայի՝ մահվանից հետո հայտնաբերված վերջին երգը (տեսանյութ) | 29-ամյա հայուհին սայլակ օգտագործող հաշմանդամ կանանց գեղեցկության մրցույթի եզրափակչում է | Հենրիկ Մխիթարյանի առաջին խաղը Ռոմայի թիմում |

Մշակույթ

Արա Գևորգյանի և Հայաստանի ազգային ֆիլհարմոնիկ նվագախմբի անմոռանալի համերգը կայացավ
Արա Գևորգյանի և Հայաստանի ազգային ֆիլհարմոնիկ նվագախմբի անմոռանալի համերգը կայացավ
10/09/2019 10:56

Սեպտեմբերի 7-ին Կարեն Դեմիրճյանի անվան մարզահամերգային համալիրում «Փրայմ Փրոդաքշն» կազմակերպության նախաձեռնությամբ կայացավ երաժիշտ, երգահան, երաժշտական պրոդյուսեր, Հայաստանի վաստակավոր արտիստ Արա Գևորգյանի և Հայաստանի ազգային ֆիլհարմոնիկ նվագախմբի (գեղարվեստական ղեկավար և գլխավոր դիրիժոր՝ Էդուարդ Թոփչյան) «Դու պիտի ճախրես» խորագիրը կրող անմոռանալի համերգը:
Միջոցառմանն արտիստի հետ նաև հանդես եկան ՀՀ Պարի պետական անսամբլը, Էլեն Գրգորյանի պարային թատրոն-ստուդիան, «Milen show-ballet dance school», <<Վահագն>> դհոլահարների անսամբլը և հատուկ հյուր`Rony Barrak-ը:
Տարին նաև հոբելյանական էր. լրանում է 40 տարին, ինչ Արա Գևորգյանը բեմում է:
Համերգի ողջ հասույթը տրամադրվելու է«Սիթի օֆ Սմայլ բարեգործական հիմնադրամ»-ին, որը աջակցում է կազմակերպել քաղցկեղ և արյան հիվանդություն ունեցող երեխաների և երիտասարդների որակյալ բուժումը Հայաստանում։
Մոտ երկու ժամ տևած համերգի ընթացքում հնչեցին Արա Գևորգյանի՝ արդեն հայտնի ու նոր ստեղծագործություններ: Երեկոյի ժամանակ հնչեց նաև Արա Գևորգյանի՝ <<Մեր Շառլ >> երգը, որը կոմպոզիտորը գրել էր Ազնավուրի մահվանից հետո: Ի դեպ, համերգիդան ներկա էր նաև լեգենդար երգչի որդին՝ Նիկոլա Ազնավուրը:
Համերգի ամենահուզիչ հատվածը «Դու պիտի ճախրես» երգի կատարումն էր, որի ամբողջ ընթացքում տեսաէկրանններին երևում էին քաղցկեղով հիվանդ երեխաների կադրեր ,իսկ կատարման ավարտին միահամուռ տերունական աղոթքով էլ ներկաները իրենց օգնությունն ու աջակցությունը հաղորդեցին երեխներին: