Գովազդի համար զանգահարել      093 765 360
Երևան 28/01/2020 11:35
«Այնտեղ բովանդակություն չկա ուղղակի». Ավինյանը՝ Վանեցյանի եւ իշխանությունների հեռակա բանավեճերի մասին | Ես հեղաշրջում բառը չեմ օգտագործել. Արմեն Գրիգորյանը հերքեց իր իսկ խոսքերը | «Արան այնքան հաճելի մարդ էր». միլիարդատիրուհի Քայլի Ջեները պատմել է Քոբի Բրայանթի կործանված ուղղաթիռի հայազգի օդաչուի մասին (լուսանկարներ) | «ՍՈՒ-30»-երի նոր խմբաքանակը շուտով կհասնի. Դավիթ Տոնոյան | Արարատ գյուղում «ԳԱԶել»-ն ամբողջությամբ այրվել է | Հավատացեք՝ դրանք բավականին լուրջ զենքեր են. Արամ Սարգսյանը՝ նոր գնված սպառազինությունների մասին | «Շուտով կհանգուցալուծվի». Նիկոլ Փաշինյանը՝ ՍԴ-ի շուրջ ստեղծված իրավիճակի մասին | Նիկոլ Փաշինյանի մոտ սուր նևրոտիկ խանգարում է ախտորոշվել, իսկ Լուկաշենկոյի մոտ՝ նևրաստենիա. «Новые Ведомости» |

Կրթություն

Կրճատում են, որ իրենց ծանոթներին նշանակեն. Ագրարային համալսարանի գործավարը՝ կրճատումների մասին
Կրճատում են, որ իրենց ծանոթներին նշանակեն. Ագրարային համալսարանի գործավարը՝ կրճատումների մասին
07/09/2019 12:56

Ագրարային համալսարանում կրճատումների տեսքով իրենց բարեկամներին են տեղավորում աշխատանքի: Այս մասին Tert.am-ի հետ զրույցում ասաց ՀԱԱՀ-ի Անտոն Քոչինյանի անվան գյուղատնտեսական քոլեջի գործավար Գոհար Ղազարյանը, ում ևս կրճատել են:

«Անձամբ ինձ կրճատել են: Ճիշտ է, տեղյակ են պահել, ժամանակն ասել են, բայց պատճառաբանում են, որ կառուցվածքային փոփոխություններ են: Այդպես չէ, ուղղակի հեռացնում են աշխատանքից, որ փոխարենը ուրիշ մարդկանց ընդունեն»,-նշեց Ղազարյանը:

Ղազարյանը նշեց, որ մոտավորապես 100 աշխատակից է հեռացվել ու նրանց փոխարեն քիչ-քիչ ուրիշների են ընդունում:

 

«Արդեն մեկ տարի է, ինչ համալսարանի ռեկտորը Վարդան Ուռուտյանն է և կրճատումները հունվարից սկսած մինչև հիմա շարունակվում են: Ես դիմել եմ ԿԳ փոխնախարարին, ասացին՝ ոչինչ անել չեն կարող, դատարան դիմեք: Դատարան տալու խնդիր չկա, ինքս ռեկտորի հետ զրուցել եմ, ասում է՝ կրճատում ենք անում, որ մյուսների աշխատավարձը բարձրացնենք կամ պատճառաբանում են, որ տարիքային խնդիր է: Չկա նման բան, կրճատում են, որ բնականաբար իրենց ծանոթներին նշանակեն: Կոնկրետ իմ փոխարեն իր ընկերոջ կնոջն է բերել, հրաժարվում են խոստովանել, բայց այդպես է»,-ասաց նա:

Ղազարյանը 64 տարեկան է, բայց իր խոսքով՝ Հայաստանում իրենից մեծերն են աշխատում ու նման խնդիր չի առաջանում: Արդեն երեք տարի է, որ իրենց քոլեջը միացել է Ագրարային համալսարանին, բայց ասում է՝ նախկին ռեկտորի ժամանակ նման փոփոխություններ չեն եղել և կարիքն էլ չի զգացվել:

«Ռեկտորն ասում է՝ ինձ պետք չի գործավար: Ում ընդունել է, այլ հաստիք է գրել, բայց իմ աշխատանքն է անում: Հենց իր ընկերոջ կինը՝ Կարինե Զաքարյանը: Անուններով կարող եմ ասել, որ չհերքեն»,- ասաց նա:

Նա նաև հավելեց, որ խնդրին լուծում չի տրվում և որոշ ազատված դասախոսներ ևս բողոքելու են, քանի որ առանց զգուշացնելու են հեռացվել: