Գովազդի համար զանգահարել      093 765 360
Երևան 25/02/2020 01:39
Նախկին վարչապետերը անձնական երաշխավորություն կներկայացնեն Ռոբերտ Քոչարյանի համար | Հրայր Թովմասյանը դատի է տվել Նիկոլ Փաշինյանին | ՏՄՊՊՀ-ն հորդորում է զերծ մնալ բժշկական դիմակների, հակավիրուսային դեղերի գների չհիմնավորված բարձրացումից | Գեներալ-մայոր Ջալալ Հարությունյանը նշանակվել է Արցախի պաշտպանության նախարար: | Իրանում ՀՀ դեսպանություն է դիմել 35 ՀՀ քաղաքացի. ՀՀ ԱԳՆ | Բուհ ընդունվողների համար «Հայոց լեզու» առարկայի միասնական քննությունը կդառնա պարտադիր | Հայաստանը երկու շաբաթով դադարեցնում է ցամաքային հաղորդակցությունն Իրանի հետ. Փաշինյան | hraparak.am Քաղաքականություն ԱՇԽԱՏԱՆՔԻՑ ԱԶԱՏՎԵԼ Է «ԹԻՎ 1 ԲՈՐՏԻ» ՀՐԱՄԱՆԱՏԱՐԸ |

Հայաստան

Երիտասարդական փոխանակման ծրագիր <<Ինչպես սկսել ստարտափ՝երիտասարդների համար » սեպտեմբերի 4-15, Երևանում
Երիտասարդական փոխանակման ծրագիր <<Ինչպես սկսել ստարտափ՝երիտասարդների համար » սեպտեմբերի 4-15, Երևանում
02/09/2019 19:20

«Ինչպես սկսել ստարտափ» երիտասարդների համար մեկամյա ծրագիրը ֆինանսավորվել է Եվրոպական հանձնաժողովի կողմից, <<Էրազմուս+>> ծրագրի շրջանակներում: Ծրագիրը նվիրված է երիտասարդների շրջանում գործազրկության դեմ պայքարին, հատկապես խոցելի, անապահով ընտանիքներից և սահմանափակ հնարավորություններ ունեցող երիտասարդների համար:Միջազգային փորձագետները և մասնագետները, ովքեր մշակել են այս ծրագիրը կսովորեցնեն և կվերապատրաստեն երիտասարդներին՝ հաղորդելով նրանց ձեռնարկատիրության, առաջնորդության հմտություններ և գիտելիքներ, ինչպես նաև գաղտնիքներ, թե ինչպես սկսել իրենց փոքր բիզնեսը և ինչպես համապատասխանեցնել իրենց կրթությունը աշխատանքի շուկայի պահանջների հետ: Այս նպատակով՝ ծրագրին կմասնակցեն ընդհանուր առմամբ 8 պետության ներկայացուցիչներ, որտեղ գործազրկության տոկոսը Եվրոպայում ամենաբարձրն է։ Մասնակից երկրներն են՝ Հունաստանը, Իտալիան, Խորվաթիան, Պորտուգալիան և Ֆրանսիան (ԵՄ Ծրագրային երկրներից 5-ը) և Հայաստանը, Վրաստանը և Ուկրաինան (Արևելյան գործընկերության երկրներից 3-ը):

Համաշխարհային բանկի վիճակագրության համաձայն, Հունաստանում երիտասարդների շրջանում գործազրկության մակարդակը 47.4 % է: Այնտեղ գործազուրկ է յուրաքանչյուր երկրորդ երիտասարդը (մասնակից երկրների շարքում ամենաբարձր տոկոսն է կազմում ), երկրորդն Իտալիան է `36.6 % ,երրորդը Հայաստանը` 35.1 %:

Երիտասարդական փոխանակման ծրագրի <<Ինչպես սկսել ստարտափ՝երիտասարդների համար >> երկրորդ փուլը կմեկնարկի սեպտեմբերի 4-15 Երևանում ՝համխմբելով տարբեր երկրներից չորս հոգուց բաղկացած խմբին,իրենց առաջնորդների ղեկավարությամբ: Ծրագրի 1 փուլի շրջանակներում առաջնորդները 2019թ. մարտի 30-ապրիլի 7-ը արդեն եղել են Հայաստանում :
Ծրագիրը կիրականացվի 3 հիմնական փուլերով: Սեմինար, երիտասարդական փոխանակման ծրագիր և ամփոփում – արդյունքների գնահատում: Հայաստանում կանցկացվի սեմինարն ու փոխանակման ծրագիրը, իսկ ամփոփումը Ֆրանսիայում, սույն տվականի հոկտեմբերին:

Ծրագրի շրջանակներում մասնակից թմերը հնարավորություն կունենան ներկայացնելու իրենց երկրում առկա գործազրկության խնդիրներն ու հաճախ հանդիպող խոչընդոտները:Թմերի առաջնորդները միմյանց կփոխանցեն պրակտիկ հմտություններ, թե ինչպես սկսել ստարտափ , որոնք են հիմանական քայլերը, ինչպես ստեղծել հաջողակ բիզնես մոդել, ինպես գտնել ֆինանսական աղբյուրներ և այլն: Ծրագրի շրջանակներում երիտասարդներին կտեղեկացնեն <<Erasmus Plus>> ծրագրի մասին , որն այսօր երիտասարդներին տալիս է Եվրամիությունը:
Երիտասարդները կհանդիպեն հետաքրքիր խոսնակների,կայցելեն այնպիսի կազմակերպություններ ինչպիսիք են ՝Թումոն , UWC միջազգային Դիլիջանի դպրոցը, ստարտափ ստուդիաներ և կծանոթանան հաջողակ հայ ձեռնարկատերերի հետ: Հյուրընկալող կազմակերպությունը կկազմակերպի այցելություն Դիլիջան և Սևան, որի ընացքում նրանք հնարավորություն կունենան ծանոթանալ մեր երկրի մշակույթի հետ:
Մեկ տարվա ծրագրի արդյունքում կպատրաստվեն էլեկտրոնային և տպագիր ուղեցույցեր <<Iնչպես սկսել ստարտափ՝ երիտասարդների համար>>: Ուղեցույցը հասանելի է լինելու մասնակից երկրների պաշտոնական 8 լեզուներով, ինչպես նաև գործող մասնագիտական կայք www.startupyoungpeople.com, որը պարունակում է բոլոր տեղեկությունները, նյութերը և փորձագետների կոնտակտները: Արդյունքների մասին կստեղծվի նաև տեսաֆիլմ: Այս ծրագիրը, կլինի մասնակից երկրների և փորձագետների միջև շարունակական համագործակցության սկիզբ, որի հիմնական նպատակն է օգնել երիտասարդներին Եվրոպայում:
Ծրագիրը համակարգող կազմակերպությունը <<Կրթական և մշակութային կամուրջներ>> ՀԿ-ն է: