Գովազդի համար զանգահարել      093 765 360
Երևան 28/01/2020 10:35
«Ո՞նց Արցախ այցը չեղարկվեց»․ Դավիթ Տոնոյանը՝ լրագրողին | Ավտոմեքենաների ժամանակավոր հաշվառման վկայագրերն արդեն կարելի է փոխարինել պլաստիկ տեսքի քարտերով. ՃՈ | ՀՀ ՊՆ վարչական համալիրում կայացել է ՀՀ պաշտպանության նախարարին կից կոլեգիայի նիստ | Բանակի օրվան ընդառաջ պարգեվատրումներ նախագահականում. ՈւՂԻՂ | Մաեստրո Տիգրան Մանսուրյանի ասուլիսը՝ ուղիղ | «Դատապարտեցինք և հորդորեցինք պարոն Հարթենյանին հրաժարվել մանդատից». ավագանու «Իմ քայլը» խմբակցության ղեկավար | «Փաշինյանը քուչի պացանի բառապաշարով է խոսում». Շարմազանով | Պայքարը Նիկոլի եւ Սահմանադրության միջեւ է. Դավիթ Հարությունյան |

Տարածաշրջան

Հայկական զինուժն իր վերահսկողության տակ է վերցրել հայ-վրացական գազատարն ու ճանապարհը. Արծրուն Հովհաննիսյան
Հայկական զինուժն իր վերահսկողության տակ է վերցրել հայ-վրացական գազատարն ու ճանապարհը. Արծրուն Հովհաննիսյան
18/08/2019 14:50

Պաշտպանության նախարարի մամուլի խոսնակը՝ Արծրուն Հովհաննիսյանը, այսօր SHANTNEWS.am-ի հարցին ի պատասխան՝ անդրադարձել է Տավուշի մարզի հյուսիսային հատվածում ՀՀ զինուժի 140 հեկտար տարածք ազատագրելու և սահմանային դիտակետերն առաջ տեղաշարժելու մասին լուրերին։

Արծրուն Հովհաննիսյանը, հաստատելով տեղեկատվությունը, նշել է, որ ճշգրիտ գործողությունների արդյունքում այժմ մեր զորքերի վերահսկողության տակ են գտնվում մեր երկրի համար կարևոր ստրատեգիական նշանակություն ունեցող Վրաստանից Հայաստան մտնող գազատար խողավակաշարը և Հայաստան-Վրաստան ավտոմայրուղին, ինչպես նաև ադբեջանական մի քանի գյուղական բնակավայրեր տանող ճանապարհները։ 

«Բերեք ես հստակ թվեր, հեկտարներ չասեմ, ես հայտարարություն արել եմ հենց նույն օրը, որ եթե մենք Ադրբեջանի նման աղմուկ չենք բարձրացնում, դա չի նշանակում, որ մենք չենք իրականացնում դիրքերի բարելավում: Դա մշտական գործընթաց է եղել տարբեր հատվածներում, այդ թվում՝ անցած տարի, որ այսպես ասած, «սև փիառով» մեզ նախիջևանյան ուղղությամբ փորձեցին էսպես բաներ ներկայացնել, մենք էնտեղ էլ ենք դիրքեր բարելավում, դա զինված ուժերի մշտական աշխատանքն է»,- նշել է Արծրուն Հովհաննիսյանն ու հավելել, որ ՀՀ զինված ուժերի այս գործողություններն ու առաջխաղացումը հակառակորդի համար եղել է անսպասելի:

ՊՆ մամուլի խոսնակն անդրադարձել է նաև բանակում զինվորների սննդակարգի փոփոխությանն ու որոշ զորամասերում ներդրված  ինքնասպասարկման պիլոտային ծրագրին՝ նշելով, որ այս պահին բանակցությունները մասնավոր կազմակերպությունների հետ շարունակվում են:

«Մինչև տարեվերջ, կարծում եմ, բոլոր զորամասերում հնարավոր չի լինի ներդնել զինվորներին սնունդ մատակարարելու նոր կարգը, բայց հաջորդ տարի գործընթացն ավարտին կհասցնենք, ու մեր զինվորներին կտրամադրվի բարձրորակ սնունդ ու ճաշատեսակներ»,- ասել է Արծրուն Հովհաննիսյանը՝ հավելելով, որ զուգահեռ կբարելավվի նաև դիրքային ծառայություն իրականացնող զինծառայողներին մատակարարվող սննդի որակն ու տեսակը:

«Դիրքերում նման ծառայություն մատուցել հնարավոր չէ՝ կախված տեղանքից, բայց որ սննդի տեսականին կավելանա ու մատակարարման որակը կբարձրացվի, դա միանշանակ է»,- ասել է ՊՆ խոսնակը։