Գովազդի համար զանգահարել      093 765 360
Երևան 13/12/2019 03:46
«Սամսոնն եք հա՞, Սամսոն եք հա՞ ձեզ զգում». Արման Աբովյանը՝ Համազասպ Դանիելյանին | Կառավարության՝ «Գյումրու տուն-ինտերնատը» լուծարելու որոշումը լարվածություն է առաջացրել աշխատակիցների և շահառուների շրջանում. աշխատակիցները չգիտեն՝ կմնան, թե կազատվեն աշխատանքից | Փոխնախարար է նշանակվում «ֆեյսբուքում» հայհոյողը, դատարանները շրջափակվում են, անպատիժ է մնում Արցախի նախագահին սպառնացողը. ահա, թե ինչու է պետական համակարգը դիմադրում «հեղափոխությանը». Ս. Դանիելյան | Առողջապահության նախարարությունը Արտյոմ Սմբատյանի ապօրինի պաշտոնավարման մեղքը բարդում է վարչապետի վրա. «Փաստինֆո» | Ուկրաինայի առաջին տիկինը տեսանյութ է ձայնագրել ժեստերի լեզվով | Ամբողջ պետական համակարգը դիմադրում է հեղափոխությանը, և այդ դիմադրությունը ես ջարդելու եմ. Փաշինյան | Քարոզարշավի ժամանակ խոստացել էին, որ Երևանում այլևս կացարաններ չեն լինելու, հիմա 15 ընտանիք կացարանում է՝ անմարդկային պայմաններում. Շիրակի 88/1 հասցեի բնակիչները բողոքի ակցիա անցկացրին (տեսանյութ) | Իգիթյանը «վառե՞ց» Նիկոլ Փաշինյանին |

Իրավունք

«Սասնա ծռերի» աջակիցները պահանջում են ազատ արձակել խմբի 2 անդամներին
«Սասնա ծռերի» աջակիցները պահանջում են ազատ արձակել խմբի 2 անդամներին
14/08/2019 14:30

Երևանի ընդհանուր իրավասության դատարանի՝ Շենգավիթի նստավայրի բակում այսօր՝ օգոստոսի 14–ին, բողոքի ակցիա էին իրականացնում «Սասնա ծռեր» խմբի աջակիցները։ Նրանք դատարանից պահանջում են կալանքից ազատել գործով ամբաստանյալներ Արմեն Բիլյանին և Սմբատ Բարսեղյանին: «Սասնա ծռերի» աջակիցները դատարանի բակում վանկարկում են՝ «Ազատություն ռազմագերի ապստամբներին, կեցցե՛ ապստամբությունը»:

Ակցիային զուգահեռ դատարանում ընթանում էր գործով վկաների հարցաքննությունը։

Վկաներից Լուսինե Ղազարյանն ասաց, որ ՊՊԾ գնդի գրավման օրերին աշխատել է շտապօգնությունում՝ որպես բուժքույր: Նա պատմեց, որ գնդի ներսում դի է եղել, որը մեքենայով տեղափոխել են այլ վայր, սակայն թե ու՞մ դին է եղել՝ ասաց, որ չգիտի։

Ղազարյանը նաև ասաց, որ որևէ մեկին չի ճանաչել:

Հիշեցնենք, որ 2016 թ. հուլիսի 17-ին զանգվածային անկարգություններ կազմակերպելու նախապատրաստության, ծանրացուցիչ հանգամանքներում սպանությունների, շենքեր, շինություններ, տրանսպորտի միջոցներ զավթելու, պատանդ վերցնելու եւ պահելու, ապօրինի կերպով հրազեն, ռազմամթերք ձեռք բերելու, պահելու, փոխադրելու, զենք, ռազմամթերք հափշտակելու, ուրիշի գույքը գաղտնի հափշտակելու եւ դիտավորությամբ ոչնչացնելու փաստի կապակցությամբ հարուցված քրեական գործերը քննվում են դատարաններում։

«Սասնա ծռեր» խմբի 10 անդամների գործով ներկայումս կալանքի տակ են ամբաստանյալներից Արմեն Բիլյանն ու Սմբատ Բարսեղյանը։ 7 ամբաստանյալների նկատմամբ ընտրված խափանման միջոց կալանավորումը փոխվել է՝ պատգամավորների անձնական երաշխավորությամբ, իսկ Պավել Մանուկյանն ազատ է արձակվել 1 մլն դրամ գրավի դիմաց։