Գովազդի համար զանգահարել      093 765 360
Երևան 14/12/2019 08:50
Խաչատուր Սուքիասյանը Սերժ Սարգսյանի հետ մի կտոր հաց կերած կա՞, որ գնահատում է նրա լավ կամ վատ ընկեր լինելը. ժամանակը ցույց կտա, թե Սերժ Սարգսյանը լավ ընկեր, ղեկավար է եղե՞լ, թե՞ ոչ. Ռուբեն Հայրապետյան | Արմավիրի համայնքապետը մանկապարտեզի տնօրենին ազատել է աշխատանքից փոխքաղաքապետին «խոզապահ» ասելու համար | «Մեր տեսակին չեն կարող վախեցնել». Ռուբեն Հայրապետյան | Հարցը չափազանց կարևոր է. Էդմոն Մարուքյանը դիմել է Տաթևիկ Ռևազյանին | Առաջիկա օրերին հնարավոր է ոստիկանական ուժի կիրառում` Ամուսլարի շրջափակումը ճեղքելու համար. Նաիրա Զահրաբյան | Սենատի բանաձեւից հետո կսպասվի Հայոց ցեղասպանության ընդունման ալիք ԱՄՆ դաշնակիցների կողմից. Նադեին-Ռաեւսկի | Մասիս Մայիլյանն ու Անջեյ Կասպշիկը քննարկել են շփման գծում տիրող իրավիճակը | Մասիս Մայիլյանն ու Անջեյ Կասպշիկը քննարկել են շփման գծում տիրող իրավիճակը |

Աշխարհ

Պրիյանկա Չոպրային մեղադրել են Պակիստանի հետ «միջուկային պատերազմ հրահրելու» համար (տեսանյութ)
Պրիյանկա Չոպրային մեղադրել են Պակիստանի հետ «միջուկային պատերազմ հրահրելու» համար (տեսանյութ)
13/08/2019 12:52

Հնդիկ դերասանուհի, մոդել և երգչուհի Պրիյանկա Չոպրային մեղադրել են Պակիստանի հետ «միջուկային պատերազմ հրահրելու» համար, գրում է The Guardian-ը:

 

Դերասանուհին, որը նախքան Հոլիվուդ տեղափոխվելը մեծ ճանաչում է ունեցել Բոլիվուդում, Լոս Անջելեսում կայացած BeautyCon 2019 կոսմետիկ միջոցառման (նորաձևության փառատոն Լոս Անջելեսում) ժամանակ բախվել է լսարանի անդամներից մեկի մեղադրանքներին:

Դերասանուհու հետ հարցուպատասխանի ժամանակ լսափողը տրամադրել են Այշա Մալիկ անունով կնոջը:

 

«Ինձ համար ծանր էր լսել, թե ինչպես եք խոսում մարդասիրության մասին, քանի որ որպես ձեր պակիստանցի հարևան՝ ինձ քաջ հայտնի է ձեր կեղծավորության մասին»,- ասել է կինը:

Մալիկը մեջբերել է Չոպրայի՝ փետրվարի 26-ին արված թվիթերյան գրառումը, որտեղ դերասանուհին ասում է «Jai Hind»՝ «Հաղթանակ Հնդկաստանին»:

Աղբյուրը հիշեցնում է, որ միջուկային զենքերով զինված Հնդկաստանն ու Պակիստանը ներգրավված են վիճելի Քաշմիր շրջանի համար հակամարտության մեջ:

«Դուք ՅՈՒՆԻՍԵՖ-ի դեսպանն եք խաղաղության հարցերով, և դուք խրախուսում եք Պակիստանի դեմ միջուկային պատերազմը»,- հայտնել է կինը և հավելել. «Որպես պակիստանցի կարող եմ ասել, որ ինձ նման միլիոնավոր մարդիկ աջակցում էին ձեր բոլիվուդյան գործունեությունը»:

Աղբյուրի հաղորդմամբ՝ կնոջը թույլ չեն տվել ավարտել իր խոսքը և լսափողը խլել են նրա ձեռքից:

«Ես ձեզ լսում եմ: Կարող եք ձեր սիրտը թեթևացնել որքան ուզում եք»,- հայտնել է 37-ամյա դերասանուհին և հավելել. «Ես պատերազմի կողմնակից չեմ, բայց հայրենասեր եմ»:

Դերասանուհին նաև խնդրել է չբղավել իր վրա, քանի որ իրենք այստեղ են հանուն սիրո և համերաշխության, բայց նաև շնորհակալություն է հայտնել իր կարծիքը բարձրաձայնելու համար: