Գովազդի համար զանգահարել      093 765 360
Երևան 10/12/2019 06:32
«Քանաքեռ-Զեյթուն» ծննդատունը մասնավորեցվում է. կառավարիչը գործունեությունը ժամանակավորապես կասեցված ընկերություն է | Լեւոն Քոչարյանը ֆեյսբուքյան էջում գրառում է կատարել | Արդյո՞ք օգտակար կլինեի Հայաստանին, եթե այնտեղ մնայի. Ռուբեն Վարդանյան | Արագածոտնի Թլիկ համայնքի միակ թեկնածուն պարտվել է: Նախկին համայնքապետ Սլավիկ Սալոյանը ստացել է 9 կողմ և 13 դեմ ձայն | Ոստիկանության տեսանյութը՝ զենքի սպառնալիքով օրերս կատարված ավազակային հարձակումների բացահայտման մասին | ԱՄՆ 2019-ին մերժել է մուտքի արտոնագիր ստանալու համար դիմած ՀՀ քաղաքացիների կեսին | Կյանքից հեռացել է Արարատ 73-ի լեգենդար ֆուտբոլիստ Սուրեն Մարտիրոսյանը | Որտե՞ղ է Արսեն Թորոսյանը, սա այն օրենքն է, որը նա աշխուժորեն լոբբինգ էր անում. Անի Սամսոնյան |

Արցախ

Օգոստոսի 8-ը Արցախի ազատամարտի հերոս Վիգեն Գրիգորյանի ծննդյան օրն է
Օգոստոսի 8-ը Արցախի ազատամարտի հերոս Վիգեն Գրիգորյանի ծննդյան օրն է
08/08/2019 11:31

Մտավորական, ուսուցիչ Վիգեն Գրիգորյանը արցախյան ինքնապաշտպանության առաջին կազմակերպիչներից էր, hետագայում՝ Հադրութի շրջանի Տող գյուղի գումարտակի շտաբի ղեկավար, Լեռնային Ղարաբաղի առաջին խորհրդարանի պատգամավոր։ Շատերը նրան ճանաչում էին Վրեժ անունով։ 

1951-ի օգոստոսի 8-ին Գրիգորյանների տոհմածառը մի շիվ էլ տվեց: Մտավորականների ընտանիքում ծնվեց Վիգենը, ով մանկուց առանձնահատուկ վերաբերմունք ուներ հայ գրականության հանդեպ: Տող գյուղի միջնակարգ դպրոցի աշակերտին հիշում են իբրեւ եռանդուն ու անսպառ պատանու, ով անսահմանորեն Շիրազ էր սիրում: Հետո ուսանողական ակտիվ կյանք ու վերադարձ հայրենի գյուղ, ուր երիտասարդ բանասերը հարազատ դպրոցում նախ ուսուցիչ, ապա տնօրեն է նշանակվում: Եվ այս ամենն այն ժամանակ, երբ դեռ չէր բոլորել 25 տարին:

Դպրոցում թողնելով գրիչն ու գրականությունը` Վիգենը վերցրեց զենքն ու մխրճվեց իրականություն` դառնալով արցախյան շարժման նախաձեռնողներից ու Հադրութում ընդհատակյա պայքարի գործուն կազմակերպիչներից մեկը: Արթուր Մկրտչյանն ու Վիգեն Գրիգորյանը 1990 թվականին զինվորագրվեցին ՀՅԴ կուսակցությանը` կարճ ժամանակ անց ղեկավարելով կուսակցության Արցախյան կառույցը: Երկուսն էլ 1991-ին ընտրվեցին անկախ Արցախի առաջին խորհրդարանի պատգամավոր: Զարգացող իրադարձությունները Վիգենին ստիպեցին ստեղծել «Վրեժ» հայրենասիրական պաշտպանական ջոկատը. «Վրեժ-ը դարձավ նաեւ նրա մարտական մականունը:

«Պետք է առաջ շարժվենք: Ֆիզուլիի շրջանի որ գյուղն էլ որ սահմանակից է, բնական է մեզ հետ հարեւանություն, եղբայրություն չեն անի: Պետք է էդ գյուղերն էլ մաքրենք, որ հայը իր հողում ազատ ու անկաշկանդ ապրի»,-ասում էր նա:

Վիգենն առասպելներից էր եկել ու հավատում էր, որ արցախյան պատերազմը հաղթանակով կավարտենք: Հադրութի շրջանի Տող գյուղի ազատագրմամբ էլ հպարտություն ու խաղաղ արարում շնորհեց հարազատ տողեցիներին ու նրանց սերունդներին: Համոզված էր` նպատակին հասնելու ամենակարճ ճանապարհը անցնում է հայրենասիրության ու ազատատենչության միջով ու դրա համար ոչինչ չէր խնայում: Չխնայեց նաեւ իրեն:

Երբ արդեն սկսվեցին մարտական գործողությունները, Հայ հեղափոխական դաշնակցությունն այստեղ ավելի ակտիվ դեր ուներ եւ երեւաց նրա իսկական հայ լինելը: Ամենավատ դրությունը շրջանի համար ռազմական տեսակետից 91 թվականի մայիս-հունիս ամիսներն էին: Պատերազմում օրերը հաշված են եւ ժամանակն անցնում է կորուստներով: Հաղթանակի ճանապարհին՝ 1993-ի ապրիլի 5-ին ընկավ նաեւ հրամանատար Վիգենը, բայց հարազատների, ընկերների ու տողեցիների հիշողության մեջ մնաց Վիգենի կյանքի պատմությունը. սովորական պատմություն՝ անսովոր մարդու մասին: