Գովազդի համար զանգահարել      093 765 360
Երևան 05/06/2020 01:02
Ծիծեռնակաբերդի անտառում ծառից կախված 30-ամյա տղամարդու դի է հայտնաբերվել | Որքա՞ն է իրերին դիպչելիս կորոնավիրուսով վարակվելու հավանականությունը | Ազգային ժողովի դահլիճները պատրաստել են հեռավար նիստերի եւ քննարկումների անցկացմանը | Վլադիմիր Կլիչկոն մարզում է Էվանդեր Հոլիֆիլդին | Թիվ 114 դպրոցի շրջանավարտների բաց նամակը Նիկոլ Փաշինյանին | ՊԵԿ-ում կլինեն նաեւ այլ հրաժարականներ․ 168․am | Հունիսի 6-ի Մոսկվա-Երևան չարտերային թռիչքը տեղի կունենա ժամը 18։00-ին․ դեսպանություն | Facebook-ն այլեւս թույլ չի տա պետական զանգվածային լրատվամիջոցներին գովազդ տեղադրել |

Քաղաքականություն

Հայկական կողմը մտահոգություն է հայտնել Բաքվում Լեհաստանի ԱԳՆ ղեկավարի հայտարարության հետ կապված
Հայկական կողմը մտահոգություն է հայտնել Բաքվում Լեհաստանի ԱԳՆ ղեկավարի հայտարարության հետ կապված
11/07/2019 14:01

Վարշավայում հանդիպման ժամանակ քննարկվել է Բաքվում Լեհաստանի ԱԳ նախարարի արած հայտարարությունների հարցը։ Այս մասին հուլիսի 11-ին ՀՀ ԱԺ-ում մամուլի ասուլիսի ժամանակ ասաց կառավարող «Իմ քայլը» դաշինքի պատգամավոր Անուշ Բեղլոյանը՝ ամփոփելով Լեհաստանի Սենատի արտաքին հարաբերությունների մշտական հանձնաժողովի հետ ՀՀ ԱԺ արտաքին հարաբերությունների մշտական հանձնաժողովի՝ Վարշավայում տեղի ունեցած համատեղ աշխատանքի արդյունքները։

Պատգամավորի խոսքով՝ Լեհաստանի արտաքին գործերի նախարարի հայտարարությունը մտահոգել է հայկական կողմին. «Մենք հանդիպում ենք ունեցել Լեհաստանի ԱԳՆ-ում, որտեղ քննարկել ենք նաեւ այդ հարցը, եւ հայկական կողմը ներկայացրել է իր դիրքորոշումը»,- ասել է Բեղլոյանը։ Միեւնույն ժամանակ, խորհրդարանականը հիշեցրել է, որ Լեհաստանի արտաքին գործերի նախարարն Ադրբեջան այցի ընթացքում ասել էր, որ Վարշավան սատարում եւ հարգում է Ադրբեջանի տարածքային ամբողջականությունը, բայց եւ չի հիշատակել ժողովուրդների ինքնորոշման իրավունքի մասին։

Պատգամավորը հավաստիացրել է, որ լեհական կողմը հաշվի է առել հայ գործընկերների մտահոգությունը, եւ «Լեհաստանի ԱԳՆ-ում ասել են, որ այսուհետ ավելի կառուցողական կլինեն»։