Գովազդի համար զանգահարել      093 765 360
Երևան 05/06/2020 00:38
Ծիծեռնակաբերդի անտառում ծառից կախված 30-ամյա տղամարդու դի է հայտնաբերվել | Որքա՞ն է իրերին դիպչելիս կորոնավիրուսով վարակվելու հավանականությունը | Ազգային ժողովի դահլիճները պատրաստել են հեռավար նիստերի եւ քննարկումների անցկացմանը | Վլադիմիր Կլիչկոն մարզում է Էվանդեր Հոլիֆիլդին | Թիվ 114 դպրոցի շրջանավարտների բաց նամակը Նիկոլ Փաշինյանին | ՊԵԿ-ում կլինեն նաեւ այլ հրաժարականներ․ 168․am | Հունիսի 6-ի Մոսկվա-Երևան չարտերային թռիչքը տեղի կունենա ժամը 18։00-ին․ դեսպանություն | Facebook-ն այլեւս թույլ չի տա պետական զանգվածային լրատվամիջոցներին գովազդ տեղադրել |

Քաղաքականություն

Կառավարության նիստում վախենում են քննարկել պատգամավորների ներկայացրած նախագծերը, որ հրապարակային հայտնած կարծիքներից չխայտառակվեն. Է. Մարուքյան
Կառավարության նիստում վախենում են քննարկել պատգամավորների ներկայացրած նախագծերը, որ հրապարակային հայտնած կարծիքներից չխայտառակվեն. Է. Մարուքյան
11/07/2019 11:42

ԱԺ «Լուսավոր Հայաստան»  խմբակցության ղեկավար Էդմոն Մարուքյանն իր ֆեյսբուքյան էջում գրում է, թե Կառավարության նիստում վախենում են քննարկել պատգամավորների, խմբակցությունների ներկայացրած նախագծերը, որ հրապարակային հայտնած կարծիքներից չխայտառակվեն։ Գրառումը ներկայացնում ենք ամբողջությամբ։

«Կառավարության նիստում վախենում են քննարկել պատգամավորների, խմբակցությունների ներկայացրած նախագծերը, որ հրապարակային հայտնած կարծիքներից չխայտառակվեն

 

Սիրելի՛ քաղաքացիներ,

Ինչպես տեղեկանում ենք կառավարության պաշտոնական կայք-էջից, այսօրվա նիստի օրակարգում ընդգրկված է ԱԺ «Լուսավոր Հայաստան» խմբակցության կողմից ներկայացված «Ազգային անվտանգության մարմիններում ծառայության մասին» ՀՀ օրենքում փոփոխություններ կատարելու մասին», «Ոստիկանությունում ծառայության մասին» ՀՀ օրենքում փոփոխություններ կատարելու մասին» և «Հանրային ծառայության մասին» ՀՀ օրենքում լրացում կատարելու մասին» օրենքների նախագծերի փաթեթի (Խ-192-14.06.2019-ՊԻ-011/0) վերաբերյալ կառավարության առաջարկություն ներկայացնելու հարցը (օրակարգի 19-րդ կետ)։

 

Հետաքրքիր է, սակայն, որ այս հարցը չզեկուցվող հարցերի շարքում է։ Այսինքն, կառավարությունն ըստ էության չի քննարկելու մեր առաջ քաշած օրենսդրական նախաձեռնությունը, այլ ընդամենը հաստատելու է կառավարական կոմիտեի նիստում տրված բացասական եզրակացությունը։ Եվ ընդգծենք, որ սա այն դեպքում, երբ մեր նախաձեռնությունն ամբողջովին բխում է պետական ժողովրդավարական համակարգ կառուցելու շահերից, և խնդրո առարկա հարցի լուծումը չափազանց կարևոր է ինչպես ներկայիս, այնպես էլ ապագա ցանկացած կառավարության համար։

Ես չեմ հիշում մի դեպք, որ իմ անկախ պատգամավոր եղած կամ ԵԼՔ դաշինիքի ժամանակ պատգամավորի կամ մի ամբողջ խմբակցության ներկայացրած նախագիծը լինի չզեկուցվող: Այսինքն նման պրակտիկա անգամ Հանրապետական կառավարության կողմից չի կիրառվել օրենսդիր մարմնից ներկայացված նախագծերի քննարկման ժամանակ։

Այս նախագիծը չզեկուցվող հարցի տեսքով նիստի օրակարգում ընդգրկելը և կառավարության նիստում այն չքննարկելը համարում ենք բացարձակապես անընդունելի քայլ և արհամարհանք իր հիմնական սահմանադրական լիազորությունն ու առաքելությունն իրականացնող «Լուսավոր Հայաստան» խմբակցության և հետևաբար նաև մեզ վստահության քվե տված 80.000 քաղաքացու նկատմամբ»։