Գովազդի համար զանգահարել      093 765 360
Երևան 20/09/2019 20:11
Դուք վնգստացող դատավորների՞ց եք. Քոչարյանի պաշտպանները պահանջեցին դատավորի ինքնաբացարկը | Սպաները եղել են հարբած վիճակում, իմ օգնականը պաշտպանվել է. Մարզպետը՝ Եղեգնաձորի միջադեպի մասին | Քոչարյանը կմնա կալանքի տակ. գրավի միջնորդությունը մերժվեց (Տեսանյութ) | 15 երեխա ունեցող Մելքոնյան ամուսինները պարգեւատրվեցին | Դատարանը մերժեց՝Ռոբերտ Քոչարյանին գրավի դիմաց կալանքից ազատ արձակելու միջնորդությունը | Դատարանի բակից մի քաղաքացու բերման ենթարկեցին | Գյումրիից` ուղիղ չվերթով ԱՄՆ. հայտնի են Փաշինյանի ուղեկցորդների անունները | «Պայմանավորվել ենք, որ անորակ աշխատանքը չի ընդունվելու, և բոլոր ընկերությունները, որ զբաղված են ճանապարհաշինությամբ, նախապես պետք է դա իմանան». Փաշինյան |

Տարածաշրջան

Հայաստանի հակառակորդները թող չսխալվեն «ներքին հակասությունների» հաշվով. նախարար
Հայաստանի հակառակորդները թող չսխալվեն «ներքին հակասությունների» հաշվով. նախարար
06/06/2019 16:45



Հայ հասարակությունում կարող են որքան ասես վիճել, բայց դա չի անդրադառնում նրա միասնականության վրա, մանավանդ արտաքին քաղաքական ասպարեզում։ Նման կարծիք է հայտնել Հայաստանի ԱԳ նախարար Զոհրաբ Մնացականյանը լրագրողների հետ զրույցում։

Նախարարը հավաստիացրել է, որ սերտորեն համագործակցում է արցախցի պաշտոնակցի հետ, վարչապետը համագործակցում է Արցախի նախագահի հետ, բանակցություններից առաջ եւ հետո տեղի են ունենում հանդիպումներ Արցախի ներկայացուցիչների հետ։ Ընդ որում՝ այդ համագործակցությունն արտացոլում է Արցախի մասնակցության գիծը բանակցային գործընթացին։ «Դա բարդ, բայց սկզբունքային հարց է։ Հարցը վերաբերում է Արցախին, եւ առանց նրա վճռական ձայնի առաջընթացն անհնար է։ Համագործակցությունը եղել է արդյունավետ եւ այդպիսին է։ Արցախն իր մոտեցումներն ու դիրքորոշումներն ունի, որոնք արտահայտում են հանրապետության ղեկավարները»,- ասել է նախարարը։

Լրագրողներին հետաքրքրել է Զոհրաբ Մնացականյանի կարծիքը նախօրեին վարչապետի արած նկատառումների եւ Ստեփանակերտի պատասխանի մասին, որոնք մտածել են տալիս ինչ-որ հակասության մասին։ Ինչպես պարզվեց, գիշերը աշխատանքային ուղեւորությունից վերադարձած նախարարը դրանց հանգամանալիորեն ծանոթ չէ, դրա համար խնդրեց հետաձգել այդ հարցերի պատասխանները։

Իսկ ընդհանուր առմամբ, կարծում է նախարարը, քննարկումներն ամրապնդում են հասարակությունը եւ իշխանությունները բանակցային գործընթացում։ Ինչ վերաբերում է Հայաստանի եւ Արցախի միջեւ փաստաթղթերի փոխանակմանը, նախարարը հաստատեց այդ տեղեկությունները։ «Ես համոզված եմ, որ ոչ մի քննարկում չի կարող սասանել մեր միասնությունը։ Ներսում մենք կարող ենք որքան ասես վիճել, բայց արտաքին ճակատում թող հակառակորդները չսխալվեն, մենք միասնությունը պահում ենք։ Քանիցս դա ապացուցվել է։ Թող ոչ ոք դա կասկածի տակ չդնի»,- ընդգծել է Զոհրաբ Մնացականյանը։