Գովազդի համար զանգահարել      093 765 360
Երևան 20/09/2019 20:49
Դուք վնգստացող դատավորների՞ց եք. Քոչարյանի պաշտպանները պահանջեցին դատավորի ինքնաբացարկը | Սպաները եղել են հարբած վիճակում, իմ օգնականը պաշտպանվել է. Մարզպետը՝ Եղեգնաձորի միջադեպի մասին | Քոչարյանը կմնա կալանքի տակ. գրավի միջնորդությունը մերժվեց (Տեսանյութ) | 15 երեխա ունեցող Մելքոնյան ամուսինները պարգեւատրվեցին | Դատարանը մերժեց՝Ռոբերտ Քոչարյանին գրավի դիմաց կալանքից ազատ արձակելու միջնորդությունը | Դատարանի բակից մի քաղաքացու բերման ենթարկեցին | Գյումրիից` ուղիղ չվերթով ԱՄՆ. հայտնի են Փաշինյանի ուղեկցորդների անունները | «Պայմանավորվել ենք, որ անորակ աշխատանքը չի ընդունվելու, և բոլոր ընկերությունները, որ զբաղված են ճանապարհաշինությամբ, նախապես պետք է դա իմանան». Փաշինյան |

ՏՏ

Ցուկերբերգը հայտարարություն է արել ընդդեմ Facebook-ի մասնատման
Ցուկերբերգը հայտարարություն է արել ընդդեմ Facebook-ի մասնատման
12/05/2019 19:54

Մարկ Ցուկերբերգը, որը հիմնադրել է Facebook ընկերությունը, որի կազմում բացի նույնանուն սոցցանցից նաեւ Instagram-ն է, մեսինջերը, WhatsApp-ն ու այլ սերվերներ, դեմ է արտահայտվել դրա մասնատմանը, հաղորդում է «Ինտերֆաքս»-ը՝ հղում անելով France Info պարբերականին տված Facebook-ի հիմնադրի հարցազրույցին:

Ավելի վաղ New York Times-ը հրապարակել էր  սոցիալական ցանցի համահիմնադիր Քրիս Հյուզի հոդվածը, որում նա կոչ էր արել մասնատել Facebook ընկերությունը դրա սեփականատիրոջ զգալի ազդեցության պատճառով, որն արտահայտվում է, մասնավորապես, ընտրողների տրամադրության վրա:

«Երբ ես կարդացի նրա գրածը, նախ մտածեցի, որ այդ առաջարկը չի կարող լուծել այդ խնդիրները: Կարծում եմ, եթե դուք մտահոգված եք ժողովրդավարության եւ ընտրությունների հարցերով, ապա կցանկանայիք, որ լիներ այնպիսի ընկերություն, ինչպիսին մեր ընկերությունն է, որը ներդնում է տարեկան միլիարդավոր դոլարներ ընտրություններին միջամտելու դեմ նորագույն միջոցներ ստեղծելու համար»,-հայտարարել է Ցուկերբերգը:

«Կան իրական խնդիրներ, որոնք վերաբերում են վնասակար կոնտենտին, ինչպես նաեւ նրան, թե ինչպես գտնել բալանս ինքնարտահայտման եւ անվտանգության, ընտրություններին միջամտությունը կանխելու, անձնական տվյալների պաշտպանության միջեւ»,-հավելել է նա:

Facebook-ը բազմիցս քննադատվել է օգտատերերի տվյալներն անհուսալի կերպով օգտագործելու համար: 2018 թվականին հայտնի էր դարձել, որ Cambridge Analytica-ն ֆեյսբուքում իր հավելվածի միջոցով հավաքագրում էր օգտատերերի տվյալները: Ենթադրվում է, որ այդ տվյալները կարող էին օգտագործվել  ԱՄՆ-ում 2016 թվականի նախընտրական արշավի եւ ԵՄ կազմից դուրս գալու Մեծ Բրիտանիայի անցկացրած հանրաքվեի ընթացքում:

Վերջին տարիների դժվարությունների հետեւանքով նկատվել է Facebook-ի բաժնետոմսերի արժեքի կտրուկ անկում: Այդ պատճառով տնօրենների խորհուրդն առաջարկել էր սահմանափակել հիմնադիր եւ խորհրդի ղեկավար Մարկ Ցուկերբերգի ձայնի իրավունքը: Ներկայումս նա փաստորեն կարող է միանձնյա որոշումներ կայացնել: